پاکستان تحریک انصاف پارلیمنٹرین کے سربراہ پرویز خٹک نے کہا ہے کہ اگر سیاسی لوگ ایماندار ہوتے تو ملک کا یہ حال نہ ہوتا۔

تفصیلات کے مطابق پرویز خٹک نے کوہاٹ جلسے سے خطاب کرتے ہوئے کہا کہ اگر سیاسی لوگ ایماندار ہوتے تو ملک کا یہ حال نہ ہوتا، ہم کب تک کھوکھلے نعروں کے پیچھے بھاگیں گے۔

انہوں نے کہا کہ ملک میں کارخانے لگانا وفاقی حکومت کا کام ہے، مگر کسی وفاقی حکومت نے خیبرپختونخوا کے لئے کچھ نہیں کیا۔

ان کا کہنا تھا کہ ہمیں چیئرمین پی ٹی آئی سے بہت امیدیں تھیں مگر وہ صرف امیدیں ہی تھی، چیئرمین پی ٹی آئی نے نئے پاکستان کا چھوٹا نعرہ لگایا اور ملک کو تباہ کر دیا۔

پرویز خٹک کے مطابق دیگر بڑے سیاسی رہنماؤں سمیت چیئرمین پی ٹی آئی نے بھی پاکستان کو قرضوں میں جکڑ دیا ہے، آج پاکستان کا ہر شخص غیر ملکی قرضوں میں ڈوبا ہوا ہے۔

  انہوں نے کہا کہ ہم انتشار نہیں چاہتے، پی ٹی آئی پی نعروں کے لئے نہیں آئی بلکہ ہم ایمانداری سے عوام کی خدمت کریں گے۔

ان کا مزید کہنا تھا کہ ہم اللہ سے مدد چاہتے ہیں، جنوبی اضلاع بہت پسماندہ رہ گئے ہیں ان کے لئے بہت کچھ کرنا ہے، ہم ایمانداری سے سیاست کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں