اسلام آباد چیمبر آف کامرس اینڈ انڈسٹری کے صدر احسن ظفر بختاوری نے کہا ہے کہ حکومت ادویات کے خام مال کی ملک میں پیداوار کی ہرممکن حوصلہ افزائی کرے۔

تفصیلات کے مطابق صدر اسلام آباد چیمبر آف کامرس اینڈ انڈسٹری احسن بختاوری کی قیادت میں وفد کی نگراں وزیر صحت ندیم جان سے ملاقات ہوئی ہے۔

ملاقات میں ایوان صنعت و تجارت کے وفد نے وزیر صحت کو فارماسوٹیکل انڈسٹری کے مسائل سے آگاہ کیا۔

 نگراں وزیر صحت ندیم جان نے کہا کہ حکومت فارما انڈسٹری کے مسائل حل کرنے کی ہرممکن کوشش کرے گی، پبلک پرائیویٹ پارٹنرشپ کے ذریعے فارما پارک کے قیام پر کام کر رہے ہیں۔

صدر اسلام آباد چیمبر آف کامرس اینڈ انڈسٹری احسن بختاوری نے کہا کہ فارما انڈسٹری کی برآمدات 5ارب ڈالرسالانہ تک بڑھانے کی صلاحیت موجود ہے، فارما انڈسٹری ادویات کیلئے تقریبا 90 فیصد خام مال باہر سے درآمد کرتی ہے، کرنسی کے اتار چڑھا کی وجہ سے خام مال کی درآمدی لاگت کئی گنا بڑھ گئی ہے، حکومت ادویات کے خام مال کی ملک میں پیداوار کی ہرممکن حوصلہ افزائی کرے۔

اس موقع پر فاد وحید نے کہا کہ پاکستان کو عالمی فارماسیوٹیکل مارکیٹ میں صف اول کی پوزیشن پر لانے کیلئے تمام سٹیک ہولڈرز مدد کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں