اسلام آباد: نگران وزیر خزانہ ڈاکٹر شمشاد اختر نے کہا ہے کہ غیر ملکی سرمایہ کاروں کے اعتماد کو بڑھا رہے ہیں۔

تفصیلات کے مطابق نگران وزیر خزانہ ڈاکٹر شمشاد اختر کی موڈیز کے وفد سے ملاقات ہوئی ہے۔

نگران وزیر خزانہ نے معاشی ٹیم کے ہمراہ ایس اینڈ پی گلوبل کے نمائندوں سے بھی ملاقات کی۔

اس موقع پر شمشاد اختر نے گفتگو کرتے ہوتے کہا کہ پاکستان معاشی اصلاحات کے اقدامات کر رہا ہے۔

انہوں نے کہا کہ پائیدار معاشی ترقی کی کوشش کی جا رہی ہے، غیر ملکی سرمایہ کاروں کے اعتماد کو بڑھا رہے ہیں۔

 نگران وزیر خزانہ شمشاد اختر نے مزید کہا کہ سماجی تحفظ کے ذریعے لوگوں کی مدد کو یقینی بنایا جا رہا ہے۔

یاد رہے کہ گزشتہ روز عالمی مالیاتی فنڈ (آئی ایم ایف) نے خبردار کیا تھا کہ اسرائیل اور فلسطینی تنظیم حماس کے درمیان ہونے والی جنگ کے باعث دنیا بھر میں مہنگائی کا نیا طوفان آنے والا ہے۔

اس حوالے سے آئی ایم ایف کی مینجنگ ڈائریکٹر کرسٹالینا جارجیوا نے کہا تھا کہ مشرق وسطیٰ میں جاری کشیدگی کے باعث دنیا بھر میں خام تیل کی قیمتوں میں اضافے کا قوی امکان ہے۔

کرسٹالینا جارجیوا نے مراکش کے شہر ماراکیچ میں آئی ایم ایف اور ورلڈ بینک کے سالانہ اجلاس کے دوران ایک پریس کانفرنس میں کہا کہ ہم اس بات پر گہری نظر رکھے ہوئے ہیں کہ موجودہ صورتحال کس طرف جارہی ہے اور خصوصاً تیل کی منڈیوں پر کس طرح اثر اندز ہوگی؟

اجلاس سے خطاب کے دوران کرسٹالینا جارجیوا نے اسرائیل حماس جنگ کی صورتحال پر کہا تھا کہ اسرائیل فلسطین تنازع معاشی منظرنامے کو تاریک کر رہا ہے، صورتحال کو مزید خراب ہونے سے روکا جائے۔

انکا کہنا تھا کہ عالمی اقتصادی نظام پہلے ہی مسائل سے دوچار ہے، تنازع سے تیل کی عالمی منڈیوں کو نقصان پہنچ رہا ہے، جس سے مہنگائی بڑھے گی۔ اسرائیل اور حماس کے درمیان تنازع کے اثرات کا اندازہ لگانا قبل از وقت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں