وزیراعظم آزاد حکومت ریاست جموں وکشمیر چوہدری انوارالحق نے کہا ہے کہ حکومت سنبھالنے کے بعد مسائل مقامی سطح پر حل کرنے کی کوشش کی ہے۔

تفصیلات کے مطابق وزیراعظم آزاد حکومت ریاست جموں وکشمیر چوہدری انوارالحق نے جموں وکشمیر ہاؤس میں عوامی وفد سے گفتگو کرتے ہوئے کہا کہ معاشی و معاشرتی ترقی کیلئے گڈگورننس کا تسلسل ضروری ہے، جب عام آدمی خوشحال ہوگا تو ریاست ترقی کرے گی، پہلی کوشش اور ترجیح یہی ہے کہ سسٹم کو درست کر کے اصلاحات کو نافذ کیا جائے، سروس ڈیلیوری میں بہتری ہوگی تو حکومتی اقدامات سے عوام مستفید ہوں گے۔

چوہدری انوارالحق نے کہا کہ غیر ترقیاتی اخراجات کو کم کرکے عوام کی صحت و تعلیم سمیت بنیادی مسائل پر بھرپور توجہ دی ہے، اپنے اخراجات کم کرنے کا مقصد زیادہ سے زیادہ فنڈز خطہ کی ترقی اور خوشحالی پر لگیں۔

انہوں نے کہا کہ حکومتی اداروں کی کارکردگی کو بہتر بنانا اور گڈگورننس کے نفاذ کو یقینی بنانا موجودہ حکومت کا عزم ہے،حکومت سنبھالنے کے بعد بھرپورکوشش کی ہے کہ لوگوں کے مسائل مقامی سطح پر حل ہوں اور انہیں آسانیاں میسر آئیں ،تمام ایم ایل ایز کو بلاتخصیص فنڈز فراہم کیے گئے ہیں تاکہ یکساں بنیادوں پر تمام علاقوں میں ترقی ہو۔

 ان کا کہنا تھا کہ حکومت کسی بھی روایت کی نہیں بلکہ آئین و قانون کی تابع ہے، ہماری حکومت روایات پر نہیں چل رہی بلکہ قاعدے قانون کے تحت نظام حکومت چل رہا ہے،رواں مالی سال کے بجٹ میں مختص کردہ منصوبے مکمل ہو گئے تو ریاست میں تعمیروترقی کا حقیقی معنوں میں انقلاب آئے گا، ہماری ترجیحات لوگوں کا معیار زندگی بلند کرکے انہیں دہلیز پر سہولیات کی فراہمی اور لائن آف کنٹرول کے دوسری جانب اپنے مظلوم کشمیری بھائیوں کی آواز بلند کرنا ہے۔

وزیراعظم آزاد حکومت ریاست جموں وکشمیر چوہدری انوارالحق نے مزید کہا کہ اللہ رب العزت اور عوام کے سامنے جوابدہ ہوں، ہماری حکومت نے چند ماہ میں جو اقدامات کیے وہ عوام کے سامنے ہیں اس سے ریاست میں عوام کی فلاح و بہبود کی راہ ہموار ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں