متحدہ قومی موومنٹ (ایم کیو ایم) پاکستان کے کنوینر ڈاکٹر خالد مقبول صدیقی نے کہا ہے کہ ںگراں حکومت آنے والے ہفتے میں اپنی غیرجانبداری کا جواب دے۔

تفصیلات کے مطابق متحدہ قومی موومنٹ (ایم کیو ایم) پاکستان کے کنوینر ڈاکٹر خالد مقبول صدیقی نے پریس کانفرنس کرتے ہوئے کہا کہ  اس 35 سالوں میں لوگوں نے ایم کیو ایم کو اپنے مینڈیٹ سے نوازا ہے، پاکستان بنانے والوں کا نمائندہ علاقہ لیاقت آباد ہے، یہاں پر کل لیاقت آباد کی عوام کے دل کا حال جاننے یہاں میدان سجے گا، آگر اپ کی آنکھ میں تعصب کا تاج نہیں سجا تو آپ بنا ایم کیو ایم کے کراچی کا حال دیکھ رہے ہیں۔

انہوں نے کہا کہ میں لوگوں سے سوال کرتا ہوں آج کے کراچی اور 2008 کہ کراچی میں کیا فرق ہے، یہ اقوام متحدہ سے اس شہر کہ نام پر پیسہ لے رہے ہیں، نکالو عداد و شمار کونسا شہر کتنا ٹیکس دیتا ہے، ان ساری صورت حال کہ پیچھے قومی اتفاقِ رائے نظر آتا ہے جبکہ قدرت پر فطرت پر مکافات عمل پر ہمارا ایمان ہے، اس وقت پاکستان کو پچانے کہ لئے پہلے کراچی کو پچانا ہے۔

ان کا کہنا تھا کہ پاکستان ہمارے بڑوں کی امانت ہے، ہم ان 20 لاکھ لوگوں کی قربانی ضائع نہیں جانے دیں گے، ہم نے اپنے حصے سے بہت قربانی دے دی ہیں اب کسی اور کی باری ہے، جو ریاست اپنے لوگوں کو گن ہی نہ سکے جو مردم شماری نہ کرا سکے وہ مردم شناسی کیا کروائے گی۔

متحدہ قومی موومنٹ (ایم کیو ایم) پاکستان کے کنوینر ڈاکٹر خالد مقبول صدیقی نے مزید کہا کہ ہم نے نگراں حکومت کو تسلیم کیا، جس شہر کو 15 سالوں سے لوٹا گیا ہے آس کے حساب کتاب کا بندوبست کریں، ہم یہ کہہ رہے ہیں نگراں حکومت پر بھی کوئی نگراں ہے، ںگراں حکومت آنے والے ہفتے میں اپنی غیر جانبداری کا جواب دے، کل آنے والے لائحہ عمل کا اعلان کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں