چیئرمین پی ٹی آئی کی جیل ٹرائل کیخلاف دائر انٹراکورٹ اپیل کل سماعت کیلئے مقرر کردی گئی ہے۔

تفصیلات کے مطابق سائفر کیس کے معاملے پر اسلام آباد ہائیکورٹ نے چیئرمین پی ٹی آئی کی جیل ٹرائل کے خلاف دائر انٹراکورٹ اپیل کل سماعت کے لیے مقرر کردی ہے۔

رجسٹرار آفس نے اعتراضات کے ساتھ چیئرمین پی ٹی آئی کی درخواست سماعت کے لیے مقرر کی۔

جسٹس میاں گل حسن اورنگزیب اور جسٹس ثمن رفعت امتیاز اپیل پر سماعت کریں گے۔

درخواست میں انسداد دہشت گردی عدالت کے جج کو آفیشل سیکرٹ ایکٹ عدالت کا چارج دینے کا نوٹی فکیشن کالعدم قرار دینے کی بھی استدعا کی گئی۔

درخواست میں استدعا کی گئی کہ جیل میں خفیہ ٹرائل کو بنیادی آئینی حقوق کی خلاف ورزی قرار دیا جائے، سائفر کیس کا ٹرائل اوپن کورٹ میں کرنے کا حکم دیا جائے، انسداد دہشتگردی عدالت کے جج کو آفیشل سیکرٹ ایکٹ عدالت کا چارج دینے کا غیرقانونی قرار دیا جائے، نوٹیفکیشن کو غیرآئینی اور غیرقانونی قرار دے کر کالعدم قرار دیا جائے۔

واضح رہے کہ چند روز قبل چیف جسٹس عامر فاروق نے چیئرمین پی ٹی آئی کی جیل ٹرائل کیخلاف دائر درخواست نمٹا دی تھی، چیف جسٹس نے جیل ٹرائل اور آفیشل سیکرٹ ایکٹ عدالت کے جج کا چارج درست قرار دیا تھا۔

سائفر کیس؛ چیئرمین پی ٹی آئی اور شاہ محمود قریشی پر فرد جرم عائد

راولپنڈی: آفیشل سیکریٹ ایکٹ کی خصوصی عدالت نے سائفر کیس میں چیئرمین پی ٹی آئی اور شاہ محمود قریشی پر فرد جرم عائد کردی۔

تفصیلات کے مطابق آفیشل سیکریٹ ایکٹ عدالت کے جج ابوالحسنات ذوالقرنین نے اڈیالہ جیل میں سائفر کیس کی سماعت کی۔

چیئرمین پی ٹی آئی کی جانب سے عثمان ریاض گل، عمیر نیازی اور خالد یوسف اڈیالہ جیل میں پیش ہوئے جبکہ شاہ محمود قریشی کی جانب سے تیمور ملک اور راجہ قمر عنائیت بھی آفیشل سیکریٹ ایکٹ عدالت پہنچے۔

عدالت نے سائفر کیس میں چیئرمین پی ٹی آئی اور شاہ محمود قریشی پر فرد جرم عائد کرتے ہوئے کیس کے گواہ 27 اکتوبر کو طلب کر لئے۔

پی ٹی آئی کے چیئرمین اور شاہ محمود قریشی نے صحت جرم سے انکار کردیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔