سابق وزیر اعلیٰ پنجاب پرویز الٰہی اور ان کے صاحبزادے مونس الٰہی سے متعلق اہم خبر آگئی ہے۔

ذرائع کے مطابق ڈھائی ارب روپے کے سرکاری اشتہارات کی مد میں غبن کے الزام میں اینٹی کرپشن پنجاب نے پرویز الٰہی اور ان کے صاحبزادے مونس الٰہی کے گرد گھیرا مزید تنگ کر دیا ہے۔

   اینٹی کرپشن نے ڈی جی پی آر دفتر پر چھاپہ مار کر ایک ملازم کو حراست میں لے لیا جبکہ دیگر 10 ملازمین کو طلبی کے نوٹس جاری کر دیے ہیں۔

ذرائع کا کہنا ہے کہ سابق وزیر اعلیٰ پنجاب پرویز الٰہی کے دورِ حکومت میں اربوں روپے کے اشتہارات بغیر ریلیز آرڈر جاری ہوئے۔ ملزمان پر 50 فیصد کمیشن کھانے کا بھی الزام ہے۔

ملزمان کے خلاف وعدہ معاف گواہ کی تلاش جاری ہے۔ سرکاری ملازم افراز احمد اسیکنڈل کو مرکزی ملزم قرار دیا گیا ہے۔ پرویز الٰہی کے دورِ حکومت میں افراز احمد کو شعبہ اشتہارات کا انچارج مقرر کیا گیا تھا۔

ذرائع کا کہنا ہے کہ اشتہار کمپنی کا اسٹاف ڈی جی پی آر میں بیٹھ کر اشتہارات جاری کرتا تھا۔

محکمہ اینٹی کرپشن نے اشتہار کمپنی کے خلاف گھیرا تنگ کرتے ہوئے پرویز الٰہی دور کے متعلقہ افراد کے خلاف انکوائری شروع کر دی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں