نگران وزیر اعلیٰ پنجاب محسن نقوی نے دورہ چین میں بہت پذیرائی ملی اور ملاقاتیں مفید رہیں۔

تفصیلات کے مطابق نگران وزیر اعلیٰ پنجاب محسن نقوی کی چین کے قونصلیٹ آمد ہوئی جہاں انہوں نے چین کے قومی دن پرقائمقام قونصل جنرل چاؤکی کو مبارکباد دی۔

وزیر اعلیٰ پنجاب محسن نقوی، قائمقام چینی قونصل جنرل، صوبائی وزیر اطلاعات عامر میر اور چیف سیکرٹری نے مل کر کیک کاٹا۔

محسن نقوی نے قائمقام چینی قونصل جنرل کو پھول اور روایتی مٹھائی پیش کی جبکہ قائمقام چینی قونصل جنرل نے چین کے قومی دن پر چینی قونصلیٹ آمد پر وزیراعلیٰ محسن نقوی کا شکریہ ادا کیا۔

وزیر اعلیٰ پنجاب محسن نقوی نے کہا کہ لاہور سمیت پنجاب بھر میں چین کا قومی دن جوش و خروش سے منایا گیا،شاہراؤں اور سڑکوں پر چین سے اظہار یکجہتی کے پوٹریٹ اور بینرز آویزاں کئے گئے، انہوں نے کہا کہ دورہ چین میں بہت پذیرائی ملی،چینی حکام اور ننشیا کے پارٹی سیکرٹری کے ساتھ ملاقاتیں مفید رہیں۔

قائمقام چینی قونصل جنرل نے چین کے کامیاب دورے پر وزیراعلیٰ پنجاب محسن نقوی کو مبارکباد دیتے ہوئے کہا کہ وزیراعلیٰ پنجاب محسن نقوی کی قیادت میں پاک چین تعلقات کو فروغ مل رہاہے، آپ کی قیادت اور حالیہ دورے سے پاک چین دوستی کومزید تقویت ملی ہے، لاہور اور پنجاب ہمارا دوسرا گھر ہے،پاکستان اور چین آئرن برادرز ہیں۔