استحکام پاکستان پارٹی (آئی پی پی) نے انتخابی نشان کیلئے الیکشن کمیشن سے دوبارہ رجوع کرلیا ہے۔

تفصیلات کے مطابق استحکام پاکستان پارٹی کی طرف سے الیکشن کمیشن میں نئی درخواست دے دی گئی ہے، آئی پی پی نے درخواست میں الیکشن کمیشن سے عقاب کا انتخابی نشان مانگا ہے۔

یاد رہے کہ گزشتہ دنوں الیکشن کمیشن آف پاکستان نے آل پاکستان مسلم لیگ (اے پی ایم ایل) کی رجسٹریشن ختم کردی تھی، الیکشن کمیشن نے آل پاکستان مسلم لیگ سے انتخابی نشان عقاب بھی واپس لے لیا تھا۔

استحکام پاکستان پارٹی کا موجودہ سیاسی حالات پر رد عمل

مرکزی سیکرٹری اطلاعات ڈاکٹر فردوس عاشق اعوان نے موجودہ سیاسی حالات پر رد عمل دیتے ہوئے کہا کہ 21 اکتوبر سیاسی گہما گہمی کا دن ہو سکتا ہے، اس دن استحکام پاکستان پارٹی کچھ بڑے سرپرائز دے سکتی ہے اور یہ سرپرائز ملکی سیاست کی ہواؤں کا رخ تبدیل کر سکتے ہیں، موسمی ٹھنڈ سے بچنے کے لئے احتیاط ضروری ہے۔

انہوں نے کہا کہ آئی پی پی کے پاس سیاسی گر اور سیاسی گرو دونوں موجود ہیں، پیٹرن انچیف جہانگیر ترین اور صدر عبدالعلیم خان سیاست میں سبک رفتار ہیں۔

مرکزی سیکرٹری اطلاعات ڈاکٹر فردوس عاشق اعوان نے کا مزید کہنا تھا کہ سیاسی دانائی کا تقاضا ہے کہ معاملات کو جلد بازی سے حل نہ کیا جائے، آئی پی پی کسی سیاسی عجلت کا شکار نہیں ہونا چاہتی، آئی پی پی فلٹریشن کے بعد سیاسی روابط پروان چڑھائے گی، ابھی کسی کے لئے کوئی دروازہ بند بھی نہیں ہے لیکن سب کے لئے نو انٹری بھی ہے، ابھی کسی کے لئے کوئی دروازہ بند بھی نہیں ہے لیکن سب کے لئے نو انٹری بھی ہے، اسی طرح قبل از وقت کوئی سیاسی حصہ داری بھی نہیں کی جا سکتی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔