نگران وزیر اعظم انوار الحق کاکڑ نے پاک بھارت میچ سے قبل قومی ٹیم کیلئے نیک خواہشات کا اظہار کیا ہے۔

سماجی رابطے کی ویب سائٹ ٹوئٹر پر اپنے ایک پیغام میں نگران وزیر اعظم انوار الحق کاکڑ نے کہا کہ بھارت کے خلاف آج کے میچ کے لیے کرکٹ ٹیم کے لیے نیک خواہشات کا اظہار کرتا ہوں، دُعا ہے کہ آپ عزم مہارت اور اٹل لڑائی کے جذبے کے ساتھ کھیلیں، جس سے آپ کو جانا جاتا ہے۔

ان کا کہنا تھا کہ پوری قوم آپ کے ساتھ ہے اور خوشیاں منا رہی ہے، ورلڈ کپ کی ٹرافی کو گھر لے آئیں!

واضح رہے کہ پاکستان اور بھارت کے درمیان میچ آج احمد آباد کے نریندر مودی اسٹیڈیم میں ہو گا جو پاکستانی وقت کے مطابق دوپہر 1 بج کر 30 منٹ پر شروع ہو گا۔

میچ سے قبل اسٹیڈیم میں پروقار تقریب کا انعقاد کیا جائے گا جس میں رجنی کانت سمیت امیتابھ بچن، اریجیت سنگھ اور کئی دیگر ستارے پرفارم کریں گے۔

خیال رہے کہ پاکستان اور بھارت کی ٹیموں کے درمیان ورلڈ کپ کے سب سے بڑے میچ میں قومی ٹیم کی پلیئنگ الیون میں کوئی تبدیلی نہیں کی جا رہی۔

ذرائع کے مطابق گزشتہ روز پریکٹس سیشن کے بعد پاکستان پلیئنگ الیون پر غور کیا گیا اور کوئی تبدیلی نہ کرنے پر اتفاق کیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں