نواز شریف عوام کو مشکلات سے نکالیں گے، راناثناءاللہ

ویب ڈیسک

01st Oct, 2023. 06:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نواز شریف عوام کو مشکلات سے نکالیں گے، راناثناءاللہ

مسلم لیگ ن پنجاب کے صدر راناثناءاللہ نے کہا ہے کہ نواز شریف عوام کو مشکلات سے نکالیں گے۔

تفصیلات کے مطابق مسلم لیگ ن پنجاب کے صدر راناثناءاللہ نے اپنے ایک بیان میں کہا ہے کہ قائد میاں محمد نواز شریف کی 21 اکتوبر کی واپسی کا اعلان ہونے کے بعد عوام کا جوش و خروش مثالی ہے، عوام 21 اکتوبر کی واپسی کو اپنی خوشحالی اور پاکستان کی ترقی کی واپسی سمجھتے ہیں۔

انہوں نے کہا کہ میاں محمد نواز شریف کو عوام نجات دہندہ سمجھتے ہیں، جو انہیں مہنگائی،غربت، بیروزگاری اور مشکلات سے نکالیں گے۔

ان کا کہنا تھا کہ پورے پاکستان میں استقبالیہ پروگرامز میں دلچسپی اور شرکت اس بات کا ثبوت ہے کہ اس ملک کے مسائل کا حل صرف میاں محمد نواز شریف جیسی ہر دلعزیز، آزمودہ اور تجربہ کار سیاستدان کی قیادت میں ممکن ہے۔

مسلم لیگ ن پنجاب کے صدر راناثناءاللہ نے مزید کہا کہ آج کے پاکستان کی بجائے عوام 2017 کے پاکستان اور اسکو بنانے والوں کو یاد کرتی ہے اور انہی اچھے دنوں کی واپسی چاہتی ہے، انشاءاللہ 21 اکتوبر پاکستان کو دوبارہ ترقی اور خوشحالی کے راستے پر ڈال دے گا اور عوام معمار پاکستان کا ایک فقیدالمثال استقبال کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں