راجہ پرویز اشرف کی جمہوریہ ترکیہ کے 100 سال مکمل ہونے پر ترکیہ کی عوام اور قیادت کو دلی مبارکباد پیش کی ہے۔

تفصیلات کے مطابق اسپیکر قومی اسمبلی راجہ پرویز اشرف نے جمہوریہ ترکیہ کے 100 سال مکمل ہونے پر ترکیہ کی عوام اور قیادت کو دلی مبارکباد دیتے ہوئے کہا ہے کہ میں برادر ملک ترکیہ کی قیادت اور عوام کو جمہوریہ ترکیہ کی 100ویں سالگرہ پر مبارکباد پیش کرتا ہوں۔

انہوں نے کہا کہ ترکیہ نے گزشتہ صدی میں ترقی اور خوشحالی کی منازل تیزی سے طے کی ہیں، صدر رجب طیب اردوان کی باکمال قیادت نے ترکیہ کو مزید مضبوط اور مستحکم بنانے میں اہم کردار ادا کیا ہے۔

 اسپیکر قومی اسمبلی نے کہا کہ ترکیہ دنیا کے منظر نامے پر اپنی مظبوط معیشت اور دو ٹوک مؤقف کی وجہ سے اہم اسلامی ملک تصور کیا جاتا ہے۔

انہوں نے کہا کہ پاکستان اور ترکیہ یک جان دو قالب کی مانند ہیں، پاکستان اور ترکیہ کے مابین تاریخی دوستانہ تعلقات، باہمی احترام و اعتماد پر مبنی ہیں،ترکیہ اور پاکستان نے علاقائی اور عالمی فورمز پر ہمیشہ ایک دوسرے کے موقف کی تائید کی ہے۔

 اسپیکر قومی اسمبلی راجہ پرویز اشرف نے مزید کہا کہ پاکستان اور ترکیہ، فلسطین اور کشمیر کے حوالے سے بھی یکساں مؤقف رکھتے ہیں، پاکستان اپنے برادر ملک ترکیہ کی مزید کامیابیوں اور کامرانیوں کے لیے دعا گو ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں