بیرسٹر گوہر علی خان چیئرمین پی ٹی آئی نامزد ہوئے ہیں۔

تفصیلات کے مطابق سینیٹر علی ظفر نے چیئرمین پی ٹی آئی گوہر علی خان کے ہمراہ پریس کانفرنس کرتے ہوئے کہا کہ پاکستان تحریک انصاف نے مجھے آج ایک زمہ داری سونپی، میں قوم کو پاکستان تحریک انصاف کے انٹرا پارٹی انتخابات سے متعلق آگاہ کروں گا۔

ان کا کہنا تھا کہ پاکستان تحریک انصاف نے 2022 میں انٹرا پارٹی انتخابات کروائے، حال ہی میں الیکشن کمیشن نے ہمیں نوٹس دے دیا کہ آپ نے انتخابات نہیں کروائے اس لیے ہم آپ کا بلے کا نشان لے لیں گے، ہم الیکشن کمیشن کے پاس گئے اور انٹرا پارٹی انتخابات کی تفصیلات فراہم کیں۔

علی ظفر نے کہا کہ الیکشن کمیشن نے کہا ہم مطمئن ہیں کہ آپ نے انتخابات کروائے ہیں، لیکن الیکشن کمیشن نے تحریری فیصلہ جاری نہیں کیا، ہمیں شک ہوا کہ شاید ہمارے انتخابی نشان سے ہمیں محروم کیا جا رہا ہے، شک یقین میں بدلا اور الیکشن کمیشن نے ہمیں دوبار انٹرا پارٹی انتخابات کروانے کا کہا، ہمارے نزدیک یہ فیصلہ غیر آئی ہے، ہمارے پاس دو راستے ہیں، یا تو اعلیٰ عدلیہ سے رجوع کریں یا چونکہ انتخابات کا وقت قریب ہے تو پارٹی انتخابات کروا لیں۔

ان کا کہنا تھا کہ پارٹی لیڈرشپ نے فیصلہ کیا کہ ہم دونوں راستے اپنائیں گے، فیصلے کو چلینج بھئ کریں گے اور انٹرا پارٹی انتخابات بھی کروائیں گے، میری چیئرمین پی ٹی آئی سے ڈیڑھ گھنٹے کی ملاقات ہوئی، انہوں نے کہا انٹرا پارٹی انتخابات کروائیں، آج میں اعلان کر رہا ہوں پاکستان تحریک انصاف ہفتے کو انٹرا پارٹی انتخابات کروائے، کیا چیئرمین پی ٹی آئی بطور چیئرمین انٹرا پارٹی انتخابات لڑیں گے یا نہیں اس پر میڈیا پر بہت قیاس آرائیاں چل رہی ہیں، چیئرمین پی ٹی آئی نے ہم سے قانونی رائے مانگی کہ کیا میں انٹرا پارٹی انتخابات لڑ سکتا ہوں؟

انہوں نے کہا کہ قانونی ٹیم بیٹھی اور سوال کا جواب ڈھونڈا، عمران خان کے خلاف صرف توشہ خانہ کیس میں فیصلہ ہوا ہ، ہمارے مطابق وہ سزا بھی غیر آئینی ہے