وزیراعظم آزاد کشمیر چوہدری انوارالحق نے کہا ہے کہ فرائض شناسی سے ٹیکس اہداف کے حصول کیلئے اقدامات کئے جائیں۔

تفصیلات کے مطابق وزیراعظم آزاد کشمیر چوہدری انوارالحق کی زیرصدارت محکمہ ان لینڈ ریونیو کا اجلاس ہوا جس میں محکمہ ان لینڈ ریونیو کے کمشنرز نے ٹیکسز، اہداف کے حصول اور دیگر معاملات کے حوالے سے تفصیلی بریفنگ دی۔

وزیراعظم آزاد کشمیر چوہدری انوارالحق نے کہا کہ فرائض شناسی سے ٹیکس اہداف کے حصول کیلئے اقدامات کئے جائیں، محکمہ ان لینڈ ریونیو میں جامع اصلاحاتی عمل کا آغاز کریں گے، آفیسران اور سٹاف کی کاکردگی میں بہتری لانے کیلیے اصلاحات لائی جائیں، آزادکشمیر کے محصولات عوام کی صحت، تعلیم اور سڑکوں پر خرچ کریں گے، فائلرز میں اضافہ کیلئے تمام ممکنہ اقدامات کریں، محکمہ اپنی استعداد کار بڑھائے، ٹیکس اہداف کو پورا کرنے کیلئے تمام ممکنہ اقدامات کئے جائیں۔

سیکرٹری ان لینڈ ریونیو نے کہا کہ مجموعی طور پر پہلے کوارٹر کے ٹیکس ٹارگٹ 19ارب 54کروڑ جمع کئے گئے ہیں۔

اجلاس میں وزراء حکومت عبدالماجد خان، چوہدری اکبر ابراہیم، سیکرٹری ان لینڈ ریونیو سردار ظفر خان، کمشنرز، ڈپٹی کمشنرز اور ان لینڈ ریونیو آفیسرز نے شرکت کی۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔