پاکستان مسلم لیگ (ن) پنجاب کے صدر اور سابق وفاقی وزیر داخلہ رانا ثنا اللہ نے کہا ہے کہ مسلم لیگ (ن) نے انتخابات کیلئے تیاریاں شروع کر دی ہیں۔

تفصیلات کے مطابق رانا ثنا اللہ نے پریس کانفرنس کرتے ہوئے کہا کہ اکیس اکتوبر کو تاریخ کا سب سے بڑا نمائندہ اجتماع تھا، مینار پاکستان میں ہر گلی و قصبے سے لوگ آئے جس کی مثال اس سے پہلے نہیں ملتی، سب اس امید سے مینار پاکستان آئے کہ پاکستان کو تیسری بار ترقی و خوشحالی ملے گی، نئے پاکستان کا تجربہ ناکام رہا۔

رانا ثنا اللہ نے کہا کہ عام آدمی کا جینا مشکل نہیں ناممکن ہو چکا ہے، (ن) لیگ نے 19 کی دہائی اور 2013 میں ملک کو بحرانوں سے باہر نکالا، کتابی زبانی باتیں نہیں کر کے دکھایا ہے، نواز شریف نے مینار پاکستان میں امید کو یقین میں بدلنے کا وعدہ کیا ہے، ان کا دوسرے صوبوں کے دورہ کا شیڈول طے ہو چکا ہے۔

ان کا کہنا تھا کہ (ن) لیگ کی سرگرمیاں ملک و پنجاب میں جاری ہیں، سردار منصب ڈوگر، احمد رضا مانیکا مل کر پاکپتن میں پارٹی کو مضبوط کریں گے، کہا جاتا ہے ضمنی الیکشن میں پی ٹی آئی جیتی تو آج اس بات کا ادراک ہو گیا ہے، ضمنی الیکشن میں پی ٹی آئی کی کارکردگی آصف بھائی کی صورت میں ہمارے ساتھ بیٹھی ہے۔

الیکشن کمیشن کا 8 فروری 2024 کو عام انتخابات کرانے کا اعلان

الیکشن کمیشن نے8 فروری 2024 کو عام انتخابات کرانے کا اعلان کردیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں