اسمگلنگ کے خلاف کریک ڈاؤن؛ اسمگل شدہ 15 کروڑ 60 لاکھ روپے کی سگریٹس ضبط

Nimra Sohail

09th Nov, 2023. 10:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسمگلنگ کے خلاف کریک ڈاؤن؛ اسمگل شدہ 15 کروڑ 60 لاکھ روپے کی سگریٹس ضبط

پاکستان کسٹمز نے اسمگل شدہ و نان ڈیوٹی پیڈ اور غیر قانونی سگریٹس کے خلاف کارروائی کرتے ہوئے 15 کروڑ 60 لاکھ روپے مالیت کی غیر قانونی سگریٹس ضبط کرلی ہیں۔

ایف بی آر کے مطابق پاکستان کسٹمز نے ملک میں اسمگل کی جانے والی غیر ملکی سگریٹس کے خلاف انسداد سمگلنگ آپریشنز کیلئے خصوصی ٹیمیں تشکیل دی تھیں۔

اپنی حالیہ کارروائیوں کے دوران پاکستان کسٹمز نے 30 اکتوبر سے پانچ نومبر 2023ء کے دوران 81 لاکھ 57 ہزار 200 سگریٹس ضبط کیں جن کی کل مالیت 15 کروڑ 60 لاکھ روپے بنتی ہے۔

علاوہ ازیں انسداد اسمگلنگ فارمیشنز بشمول مختلف کلکٹریٹس اور ائر پورٹس پر تعینات موبائل اسکواڈز کو ہدایات جاری کر دی گئی ہیں کہ وہ ملک بھر میں غیر قانونی سگریٹس کی نقل و حمل پر کڑی نگاہ رکھیں، پاکستان کسٹمز لگن اور جانفشانی کے ساتھ سمگلنگ کی لعنت کو ختم کرنے کے لئے پرعزم ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں