نگران وزیر اعلیٰ پنجاب کا ڈاکوؤں کے مکمل خاتمے کیلئے گرینڈ آپریشن کا حکم

ویب ڈیسک

30th Nov, 2023. 11:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نگران وزیر اعلیٰ پنجاب کا ڈاکوؤں کے مکمل خاتمے کیلئے گرینڈ آپریشن کا حکم

نگران وزیر اعلیٰ پنجاب محسن نقوی نے ڈاکوؤں کے مکمل خاتمے کے لئے گرینڈ آپریشن کا حکم دیا ہے۔

تفصیلات کے مطابق نگران وزیر اعلیٰ پنجاب محسن نقوی کی زیر صدارت رحیم یار خان ایئرپورٹ پر اہم اجلاس ہوا جس میں کچے کے علاقے میں ڈاکوؤں کے خلاف آپریشن کا جائزہ لیا گیا۔

اجلاس میں آر پی او بہاولپور نے ڈاکوؤں کے حملے اور پولیس کے ایکشن کے بارے میں بریفنگ دی جبکہ گزشتہ روز پیش آنے والے افسوسناک واقعہ کے بارے میں تفصیلات سے آگاہ کیا گیا۔

بریفنگ دیتے ہوئے کہا گیا کہ گزشتہ روز پیش آنے والے واقعہ میں پولیس کے 3 کانسٹیبل شہید ہوئے، پولیس کی کارروائی میں 4 ڈاکو مارے گئے۔

نگران وزیر اعلیٰ پنجاب محسن نقوی نے اجلاس کی صدارت کرتے ہوئے ڈاکوؤں کے مکمل خاتمے کے لئے گرینڈ آپریشن کا حکم دیتے ہوئے کہا کہ ڈاکوؤں کے سہولت کاروں کے خلاف بھی بلا امتیاز کارروائی کی جائے، کچے کے علاقے میں کاشت فصلوں کی فوری کٹائی کی جائے تاکہ شرپسندوں کو چھپنے کی جگہ نہ ملے۔

اجلاس میں صوبائی وزراء عامر میر، ابراہیم حسن مراد، انسپکٹر جنرل پولیس ڈاکٹر عثمان انور ، ایڈیشنل چیف سیکرٹری داخلہ، ڈی پی او رحیم یار خان اور متعلقہ حکام نے شرکت کی۔