نگراں وفاقی وزیر آئی ٹی ڈاکٹر عمر سیف نے کہا ہے کہ سائبر سیکیورٹی اتھارٹی کا قیام جلد عمل میں لایا جائے گا۔

تفصیلات کے مطابق نگراں وفاقی وزیر آئی ٹی ڈاکٹر عمر سیف کی زیرصدارت سائبر سیکیورٹی کے حوالے سے اجلاس کا انعقاد ہوا۔

اجلاس میں سائبر سیکیورٹی اور پاکستان کی نیشنل کمپیوٹر ایمرجنسی ریسپانس ٹیم کے متعلق معاملات پر تفصیلی گفتگو ہوئی۔

نگراں وفاقی وزیر آئی ٹی ڈاکٹر عمر سیف نے کہا کہ نیشنل کمپیوٹر ایمرجنسی ریسپانس ٹیم کو آپریشنل بنانے کے حوالے سے کام تیزی سے جاری ہے، بڑھتے ہوئے سائبر حملوں کے خطرات کے پیش نظر نیشنل کمپیوٹر ایمرجنسی ریسپانس ٹیم پاکستان کی سائبرسپیس کی نگرانی اور تحفظ کی ذمہ دار ہوگی، سائبر سیکیورٹی اتھارٹی کا قیام جلد عمل میں لایا جائے گا۔

اجلاس میں ایڈیشنل سیکرٹری وزارت آئی ٹی عائشہ حمیرا موریانی،  ممبر آئی ٹی سید جنید امام اور سی ای او نیشنل انفارمیشن ٹیکنالوجی بورڈ بابر مجید بھٹی نے بھی شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں