نگراں وزیر اطلاعات و نشریات مرتضیٰ سولنگی نے کہا ہے کہ الیکشن کمیشن انتہائی ذمہ داری کیساتھ الیکشن کی طرف گامزن ہے۔

تفصیلات کے مطابق نگراں وزیر اطلاعات و نشریات مرتضیٰ سولنگی نے اپنے ایک بیان میں کہا کہ ‏پوری قوم کی خواہش ہے کہ صدر مملکت عارف علوی وفاق کی علامت کے طور اپنے فرائض سر انجام دیں، ایسا تاثر نہ دیں جس سے لوگ انہیں ایک جماعت کے ترجمان کے طور پر دیکھیں۔

انہوں نے کہا کہ بدقسمتی سے جیسے جیسے ہم انتخابات کے قریب جا رہے ہیں صدر مملکت کے بیانات ان کے آئینی کردار سے متصادم نظر آرہے ہیں، صدر مملکت کی طرف سے برابر مواقع فراہم نہ کرنے کی شکایت بہت افسوسناک ہے۔

ان کا کہنا تھا کہ صدر مملکت کو اچھی طرح معلوم ہے کہ آج لیول پلینگ فیلڈ کا مطالبہ کرنے والے ہی پچ اکھاڑ کر اور وکٹیں لیکر میدان سے بھاگے تھے، امید کرتے ہیں کہ صدر صاحب الیکشن کمیشن کے آئینی ادارے کو اپنا کام کرنے دیں گے، ایک سیاسی جماعت کے کارکن بننے کی بجائے پورے ملک کے صدر کے طور پر اپنے فرائض سر انجام دیں گے۔

نگراں وزیر اطلاعات و نشریات مرتضیٰ سولنگی نے مزید کہا کہ انتخابات کی تاریخ کا اعلان ہو گیا ہے، الیکشن کمیشن انتہائی تندہی اور ذمہ داری کیساتھ الیکشن کی طرف گامزن ہے، تمام جماعتوں کو آئین اور قانون کے دائرے میں رہتے ہوئے سیاسی سرگرمیوں کی اجازت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔