ایم کیو ایم پاکستان کے رہنما رؤف صدیقی کی طبیعت بہتر ہوتے ہی ان کو وینٹیلیٹر سے ہٹا دیا گیا۔

تفصیلات کے مطابق وینٹیلیٹر سے ہٹتے ہی انہیں 24 گھنٹے انتہائی نگہداشت میں رکھا جائے گا۔

پروفیسر عبد الحکیم کا کہنا ہے کہ ان کی حالت کافی بہتر ہے، گزشتہ روز میجر ہارٹ اٹیک آیا تھا جس کے بعد انکی انجیو پلاسٹی کر کے دل کی شریان میں اسٹنٹ ڈالا گیا۔

معالج کا کہنا ہے کہ پھیپھڑوں میں پانی بھرنے کی وجہ سے انہیں وینٹیلیٹر پر رکھا گیا تھا۔

واضح رہے کہ گزشتہ روز ایم کیو ایم پاکستان کے رہنما رؤف صدیقی کی طبیعت اچانک خراب ہو گئی تھی جس کے بعد انہیں سندھ ہائی کورٹ سے این آئی سی وی ڈی منتقل کر دیا گیا تھا۔

اسپتال ذرائع نے رؤف صدیقی کو دل کا دورہ پڑنے کی تصدیق کی تھی۔

ترجمان نے بتایا کہ رؤف صدیقی کیس کے سلسلے میں ہائی کورٹ آئے ہوئے تھے، متعلقہ عدالت کے جج کی چھٹی کے باعث وہ کیفے ٹیریا میں چائے پی رہے تھے، جہاں انہیں دل کا دورہ پڑا۔

ترجمان این آئی سی وی ڈی کا کہنا تھا کہ رؤف صدیقی قومی ادارۂ امراضِ قلب میں زیرِعلاج ہیں، ان کی انجیو گرافی کی جا رہی ہے۔

ترجمان کے مطابق رؤف صدیقی کے دل میں اسٹنٹ دال دیا گیا، پھیپھڑوں میں پانی بھرنے اور دل کے دورے سے حالت تشویش ناک تھی، وقتی طور پر انھیں وینٹیلیٹر پرمنتقل کیا گیا ہے، 24 گھنٹے بعد انتہائی نگہداشت میں منتقل کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں