چیف آف آرمی سٹاف جنرل سید عاصم منیر نشان امتیاز (ملٹری) جمہوریہ آذربائیجان کے سرکاری دورے پر ہیں۔

پاک فوج کے محکمہ تعلقات عامہ (آئی ایس پی آر) کے مطابق چیف آف آرمی سٹاف جنرل سید عاصم منیر نشان امتیاز (ملٹری) جمہوریہ آذربائیجان کے سرکاری دورے پر ہیں جہاں انہوں نے جمہوریہ آذربائیجان کے صدر الہام علیوف، وزیر دفاع، پہلے نائب وزیر، چیف آف جنرل سٹاف اور آذربائیجان ایئر فورس کے کمانڈر سے ملاقات کی۔

آئی ایس پی آر کے مطابق جنرل سٹاف ہیڈ کوارٹرز کے دورے کے دوران آرمی چیف جنرل عاصم منیر کا پرتپاک استقبال کیا گیا اور انہیں گارڈ آف آنر پیش کیا گیا، چیف آف آرمی سٹاف نے باکو میں یادگار شہداء پر پھول بھی رکھے۔

آئی ایس پی آر کا کہنا ہے کہ دورے کا مقصد دونوں برادر ممالک کے درمیان فوجی اور دفاعی تعاون کو بڑھانا ہے۔

آئی ایس پی آر نے مزید کہا کہ آرمی چیف جنرل سید عاصم منیر نے آذربائیجان کی مسلح افواج کی آپریشنل تیاری اور حوصلے کو سراہا جبکہ آذربائیجان کی سیاسی اور عسکری قیادت نے آذربائیجان کی پاکستان کی طرف سے مسلسل حمایت کو سراہا، دونوں ریاستوں اور ان کی مسلح افواج کے درمیان باہمی تعاون کو نئی سطح تک بڑھانے کے عزم کا اظہار بھی کیا گیا ہے۔

پاک فوج کے محکمہ تعلقات عامہ (آئی ایس پی آر) کے مطابق آرمی چیف جنرل سید عاصم منیر کے آذربائیجان کے دورے پر آذربائیجان کے صدر الہام علیوف نے دفاعی صنعت میں آذربائیجان اور پاکستان کے درمیان کامیاب تعاون کو سراہا، دونوں ممالک کے درمیان مشترکہ فوجی تربیت کی اہمیت پر زور دیا۔

آئی ایس پی آر کا کہنا ہے کہ آذربائیجان کے صدر الہام علیوف نے بین الاقوامی سطح پر دونوں ممالک کی خودمختاری اور علاقائی سالمیت کے تحفظ کا اعادہ کیا، جموں و کشمیر کے معاملے پر بھی ہمیشہ برادر ملک پاکستان کی حمایت کا بھی اعادہ کیا۔

آئی ایس پی آر نے مزید کہا کہ  آذربائیجان کے صدر الہام علیوف نے مزید کہا کہ دونوں ممالک کے دوستانہ اور برادرانہ تعلقات مختلف شعبوں میں کامیابی سے فروغ پا رہے ہیں جن میں فوجی تعاون بھی شامل ہے، جنرل عاصم منیر کا دورہ دونوں ممالک کے تعاون کو مزیدمستحکم کرنے میں معاون ثابت ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں