صوبائی دارالحکومت کراچی میں نیگلیریا جرثومے نے ایک اور جان لے لی ہے رواں برس ہلاکتوں کی تعداد 11 ہوگئی۔

تفصیلات کے مطابق کراچی کے علاقے بفرزون ضلع وسطی کے رہائشی 45 سالہ کاشف قمر کو بخار اور سردرد میں مبتلا ہونے پر 1 نومبر کو نجی اسپتال میں داخل کروایا گیا تھا، جس کا پی سی آر ٹیسٹ میں نیگلیریا پازیٹو آیا تھا، کاشف قمر تین دن بخار اور سردرد میں مبتلا رہ کر گزشتہ روز انتقال کرگئے ہیں۔

نگلیریا سے ضلع وسطی میں یہ تیسری ہلاکت رپورٹ ہوئی ہے جبکہ نگلیریا سے اب تک جامشورو، کیماڑی، کورنگی، ملیر، غربی اور شرقی میں ایک ایک جبکہ جنوبی میں دو اموات رپورٹ ہوچکی ہیں۔

محکمہ صحت سندھ کے مطابق کراچی میں نیگلیریا سے اب تک 11 اموات ہوچکی ہیں، نگراں وزیر صحت نے عوام سے نیگلیریا سے بچاؤ کی اختیاطی تدابیر اختیار کرنے کی اپیل کردی۔

طبی ماہرین کے مطابق نیگلیریا صاف پانی میں افزائش پاتا ہے اور ناک کے ذریعے انسانی دماغ تک جاتا ہے، نیگلیریا کے دماغ میں جانے سے انسان کی موت بھی واقع ہوجاتی ہے۔

ماہرین کا کہنا ہے کہ نیگلیریا سے بچاؤ کیلئے پانی میں کلورین کا50 فیصد ہونا ضروری ہے، گھروں میں موجود ٹینکوں کو سال میں کم سے کم دو بار صاف کیا جائے اور کلورین کی گولیوں کا استعمال کیا جائے۔

طبی ماہرین کے مطابق پینے اور وضو کیلئے پانی کو 100 ڈگری سینٹی گریڈ پر ابالنا نیگلیریا کے خاتمے کا باعث بنتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں