پاکستان اور ڈنمارک نے دوطرفہ تعلقات پر اطمینان کا اظہار کرتے ہوئے مختلف شعبوں میں باہمی تعاون کو مزید بڑھانے پر اتفاق کیا ہے۔

تفصیلات کے مطابق پاکستان اور ڈنمارک کی سالانہ دوطرفہ سیاسی مشاورت کا تیسرا دور کوپن ہیگن میں منعقد ہوا۔

 وزارت خارجہ کے ایڈیشنل سیکرٹری (یورپ) ایمبیسیڈر شفقت علی خان اور ڈنمارک کے انڈر سیکرٹری برائے خارجہ پالیسی ایمبیسیڈر اینڈرس تانگ فریبرگ نے وفود کی قیادت کی۔

دونوں فریقوں نے سیاسی تعلقات، تجارت، موسمیاتی تبدیلی، ماحول دوست توانائی کے شعبے میں تعاون، سرمایہ کاری اور عوامی رابطوں کے حامل دوطرفہ تعلقات کے دائرہ کار کا وسیع پیمانے پر جائزہ لیا۔

دونوں اطراف نے دوطرفہ تعلقات پر اطمینان کا اظہار کیا اور مختلف شعبوں میں دونوں ممالک کے درمیان تعاون کو مزید بڑھانے پر اتفاق کیا۔

مشاورت کے دوران ڈنمارک کی جانب سے بتایا گیا کہ ڈنمارک کے سفر کے لیے پاکستانی ویزا درخواست دہندگان کی بڑھتی ہوئی طلب کو پورا کرنے کے لیے اسلام آباد میں ڈنمارک کے سفارت خانے کی استعداد کار میں اضافہ کیا جا رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔