استحکام پاکستان پارٹی (آئی پی پی) کے صدر عبدالعلیم خان نے کہا ہے کہ آئی پی پی کو اقتدار ملا تو عوامی امنگوں پر پورا اتریں گے۔

تفصیلات کے مطابق استحکام پاکستان پارٹی (آئی پی پی) کے صدر عبدالعلیم خان نے اپنے ایک بیان میں کہا کہ راولپنڈی پبلک سیکرٹریٹ کے افتتاح میں آنے والے تمام کارکنان اور قیادت کا مشکور ہوں، عامر کیانی نے 25 سال اس پارٹی میں گزارے جو 15 سال تک کوئی کونسلر نہ بنا سکی، وہ نظریے اور ملک کی بقا کے لئے پھر بھی کھڑے رہے، عامر کیانی کو اس پارٹی نے اقتدار ملنے کے باوجود خراب کیا، انکو کوئی وزارت نہ دی مگر انہوں نے پارٹی کیساتھ وفا کی، زندگی میں پہلی بار بنی گالہ گیا 2007 میں عامر کیانی چیئرمین پی ٹی آئی کی گاڑی ڈرائیو کر رہا تھا، مگر بدلے میں اس کے اوپر پرچے کروائے۔

انہوں نے کہا کہ مجھے بھی سو دن تک جیل میں رکھا گیا، اپنی حکومت ہونے کے باوجود مجھے جیل میں رکھا گیا، جہانگیر ترین جیسے بندے کو پیسہ اور ٹائم دینے کے باوجود ان کو بدلے میں انکی بیٹیوں پر پرچے ہوئے، ہم اپنے بچوں کے لئے نیا پاکستان بنانے کے لئے گئے مگر پی ٹی آئی کا کوئی منشور نہ تھا، صرف میرٹ اور ایمانداری کے دعوے کئے، ہمیں نمل یونیورسٹی دکھائی گئی۔

ان کا کہنا تھا کہ شوکت خانم ہسپتال کا آج بھی سب سے بڑا ڈونر ہوں، بتایا جاتا تھا وہاں میرٹ ہے مگر جب حکومت آئی تو میرٹ بزدار جیسا بندہ نکلا، وہ بزدار جو میاں شہباز شریف کا بریف کیس اٹھا کر پھرتا تھا، جسے اردو انگلش تک پڑھنا نہیں آتا تھا، دوسری جانب محمود خان جیسے ان پڑھ اور کرپٹ لوگ لگائے، فرح گوگی جیسے لوگ ڈی سی کے ریٹ طے کرتے اور انکو ٹرانسفر کرتے، فرح گوگی جیسے لوگ ڈی سی کے ریٹ طے کرتے اور انکو ٹرانسفر کرتے، فرح گوگی کو نمل کا انچارج لگا کر چندہ مانگو، تم نے 15 سال سے لوگوں کی محبت کا یہ صلہ دیا کہ انکی امیدیں بھی ختم کر دی۔

استحکام پاکستان پارٹی (آئی پی پی) کے صدر عبدالعلیم خان نے مزید کہا کہ جہانگیر ترین نے محنت سے آج یہ مقام بنایا، ان سے نہ بہتر کوئی کسان ہے، نہ کاشتکار اور نہ لیڈر ہے، استحکام پاکستان پارٹی کو اقتدار ملا تو عوامی امنگوں پر پورا اتریں گے اور تمام وعدے پورے کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں