صدر استحکام پاکستان پارٹی آزاد کشمیر سردار تنویر الیاس خان نے کہا ہے کہ فلسطین کےمعاملے پر صرف مذمت کافی نہیں عملی اقدامات کرنا ہوں گے۔

تفصیلات کے مطابق استحکام پاکستان پارٹی  کشمیر و فلسطین ریلی سے صدر استحکام پاکستان پارٹی آزاد کشمیر سردار تنویر الیاس خان نے خطاب کرتے ہوئے کہا کہ فلسطین پر اسرائیلی ظلم و بربریت جاری ہے، ہمارے مسلمان بہن بھائیوں پر ظلم کی داستان رقم کی جارہی ہے، اسرائیل بربریت کا مظاہرہ کر رہا ہے، کشمیر اور فلسطین میں انسانی حقوق کی خلاف ورزی جاری ہے۔

انہوں نے کہا کہ فلسطین میں جاری انسانی حقوق کی خلاف ورزیاں انسانی حقوق کی تنظیموں اور اقوام متحدہ کی منہ پر تمانچہ ہے، او آئی سی کو بیان دینے سے بڑھ کر کچھ کرنا ہوگا، پوری امت مسلمہ کو اکھٹے ہونا ہوگا، اسرائیل کو روکنا ہوگا، صرف مذمت کافی نہیں عملی اقدامات لینا ہوں گے۔

صدر استحکام پاکستان پارٹی آزاد کشمیر سردار تنویر الیاس خان کا مزید کہنا تھا کہ او آئی سی، اقوام متحدہ اور سیکیورٹی کونسل سب خاموش تماشائی بنے ہوئے ہیں، اسلام امن اور سلامتی کا مذہب ہے، نہتے شہریوں خاص طور پر بچوں کا قتل عام کیا جارہا ہے، ہمارے ایمان اور غیرت کا تقاضا ہے کہ ہم اپنے فلسطینی بھائیوں کے لیے کچھ کریں، امام حسین کی سنت پر چلتے ہوئے ہمیں ظلم کے خلاف کھڑا ہونا ہوگا، ہمیں گھروں سے نکلنا ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں