مسلم لیگ ن کے قائد و سابق وزیر اعظم نواز شریف نے کہا ہے کہ ہمیں اپنے لئے اقتدار نہیں بلکہ خوش حال پاکستان چاہیے۔

تفصیلات کے مطابق نواز شریف نے کوئٹہ میں پارٹی ورکرز کنونشن سے خطاب کرتے ہوئے کہا کہ بغض، حسد، گندی زبان اور نفرت نے معاشرے کو گندا کیا، باتیں کرنے والے بہت آئے لیکن عملی طور پر کچھ نہیں کیا، ن لیگ نے گوادر، کوئٹہ، ژوب سمیت سب علاقوں کے بارے میں سوچا۔

انہوں نے کہا کہ ہم نے بلوچستان میں سڑکوں کا جال بجھایا اور ڈیمز بنائے، کچی کنال کے لیے ہم نے 50 ارب روپے دیے، کوئٹہ سے اسلام آباد جانے والا راستے کا منصوبہ 2018 میں مکمل ہونا تھا جو اب تک نہیں ہوا، بلوچستان کے طلباء کو بھی ملک کے بہترین تعلیمی اداروں میں پڑھنے کا حق ہے، ان لوگوں میں اور ہم میں کچھ تو فرق ہے۔

ان کا کہنا تھا کہ اپنے بچوں، دوستوں اور رشتہ داروں کو بتائیں کس نے بلوچستان کی خدمت کی؟ جب میں پہلی مرتبہ وزیر اعظم بنا تھا تب سے گوادر کا نام لے رہا ہوں۔

نواز شریف نے مزید کہا کہ ہم چاہتے ہیں کہ عوام کو بجلی کے بلوں سے آزاد کریں، ہم ایسی اسکیم لائیں گئے جس سے عوام کو سولر پینل دیں سکیں، ہماری کوشش ہوگی ملک بھر میں شمسی توانائی سے بجلی حاصل کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں