ملکی سیاست میں نئی ہلچل؛ آصف زرداری کا اہم اعلان

ویب ڈیسک

05th Nov, 2023. 03:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی سیاست میں نئی ہلچل؛ آصف زرداری کا اہم اعلان

پاکستان پیپلز پارٹی کے شریک چیئرمین و سابق صدر آصف علی زرداری نے کہا ہے کہ پیپلز پارٹی عوام کے فیصلے اور عوام کے اختیار فارمولے پر یقین رکھتی ہے۔

تفصیلات کے مطابق آصف علی زرداری نے نواب شاہ میں پارٹی کارکنوں سے ملاقات کی، اس موقع پر سابق وزیر اعلیٰ مراد علی شاہ، ضیاء الحسن لنجار، علی حسن زرداری بھی موجود تھے۔

دورانِ ملاقات آصف علی زرداری کا کہنا تھا کہ الیکشن کے دوران ملک بھر میں موثر انتخابی مہم چلائیں گے، پیپلز پارٹی “عوام کے فیصلے اور عوام کے اختیار” فارمولے پر یقین رکھتی ہے۔

انہوں نے کہا کہ جب عوام کو حق حکمرانی ملتا ہے تو گراس روٹ تک مسائل حل ہوتے ہیں، پیپلز پارٹی عوامی جماعت ہے، اس نے ہر دور میں عوامی راج کے نفاذ کے لئے کام کیا۔

ان کا کہنا تھا کہ پیپلز پارٹی نے ملک کو ہمیشہ بحرانوں میں سنبھالا، ہم عوام کی خدمت کی بدولت اقتدار میں آئیں گے۔

پی پی پی کے شریک چیئرمین آصف علی زرداری نے مزید کہا کہ پاکستان پیپلز پارٹی آئندہ انتخابات میں بہترین منشور کے ساتھ میدان میں اترے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں