وزیر اعلیٰ پنجاب محسن نقوی کی زیر صدارت ون ونڈو آپریشن کے قیام کے حوالے سے خصوصی اجلاس منعقد ہوا۔

تفصیلات کے مطابق اجلاس میں وزیر اعلیٰ پنجاب محسن نقوی نے لاہور میں سرمایہ کاروں اور صنعتکاروں کے لئے ”ون روف، ون اسٹاپ“ سلوشن پر تجاویز کا جائزہ لیا۔

اجلاس میں فیصلہ ہوا کہ فیڈمک، پیڈمک اور پنجاب سمال انڈسٹریز کارپوریشن ون ونڈو آپریشن سینٹر میں سروسز فراہم کریں گے، لوکل گورنمنٹ ماحولیات ہاؤسنگ اور دیگر محکموں کے بااختیار افسران ون ونڈو سینٹر میں موجود ہوں گے، لیسکواور سوئی گیس کے کاؤنٹر بھی ون ونڈو سینٹر میں قائم کئے جائیں گے، سینٹر میں اراضی انتقال نقشہ پاس کرنے اور ماحولیات کے این او سی کی سہولیات میسر ہوں گی۔

فیصلے کے مطابق ون ونڈو سینٹر کے کاؤنٹر کے افسران درخواست دہندگان کا فارم خود پر کریں گے، ون ونڈو سینٹر پر آپریشن 5 مراحل میں مکمل کر دیا جائے گا، 10 دن کے اندر کارروائی مکمل نہ ہونے پر متعلقہ سیکرٹری کے ڈیش بورڈ پر سرخ نشان نمودار ہو گا، ون ونڈو سینٹر کے لئے آپریشنل ریویو کمیٹی اور اسٹیئرنگ کمیٹی قائم کی جائے گی۔

صوبائی وزیر صنعت وتجارت ایس ایم تنویر، چیف سیکرٹری، سیکرٹریز انڈسٹریز، خزانہ، ماحولیات، لوکل گورنمنٹ، ہاؤسنگ، جنگلات، ڈی جی ایل ڈی اے، چیئرمین پنجاب انفارمیشن ٹیکنالوجی بورڈ، چیف ایگزیکٹو آفیسر فیڈمک اور متعلقہ حکام نے اجلاس میں شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں