’ماؤں بہنوں سے درخواست کروں گا کہ 8 فروری کو ہمیں ووٹ دیں‘

ویب ڈیسک

31st Dec, 2023. 12:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’ماؤں بہنوں سے درخواست کروں گا کہ 8 فروری کو ہمیں ووٹ دیں‘

کنوینر ایم کیوایم پاکستان ڈاکٹر خالد مقبول صدیقی نے کہا ہے کہ میں درخواست کروں گا کہ میری مائیں، بہنیں اور بھائی 8 فروری کو ہمیں ووٹ دیں۔

تفصیلات کے مطابق کنوینر ایم کیوایم پاکستان ڈاکٹر خالد مقبول صدیقی نے این اے 238 میں ایم کیو ایم پاکستان کے الیکشن آفس کی افتتاحی تقریب میں گفتگو کرتے ہوئے کہا کہ آج یہاں کوئی جلسہ نہیں ایک الیکشن آفس کا افتتاح ہے، ایم کیو ایم کی مائیں بہنیں یہاں موجود ہیں۔

خالد مقبول صدیقی نے کہا کہ2018 کو اس شہر کا مینڈیٹ چرایا گیا تھا، چرائے گئے مینڈیٹ کو برآمد کرنے کے لیے سڑکوں پر نکل کر ڈاکوؤں کو بے نقاب کریں گے، یہ شہر ایک دن سوتا رہ جائے تو پورے پاکستان میں سناٹا ہو جائے گا۔

انہوں نے کہا کہ اس شہر کے شور سے پورے ملک کی سانسیں چلتی ہیں، یہ شہر چلتا ہے تو ملک چلتا ہے، یہ شہر چلتا ہے تو ملک پلتا ہے، اسلام آباد میں بیوروکریسی اس شہر کی خیرات سے چلتی ہے۔

کنوینر ایم کیوایم پاکستان ڈاکٹر خالد مقبول صدیقی کا کہنا تھا کہ ملک کو طاقت کے ذریعے نہیں محبت اور انصاف کے ذریعے جوڑا جا سکتا ہے، پاکستان میں بسنے والے تمام حق پرستوں کو ان کا حق دلائیں گے، میں درخواست کروں گا ماؤں بہنوں سے ہمیں 8 فروری کو ووٹ دیں۔