چاروں صوبائی ممبران کا چیف الیکشن کمشنر پر اعتماد کا اظہار

عقیل احمد

21st Dec, 2023. 04:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چاروں صوبائی ممبران کا چیف الیکشن کمشنر پر اعتماد کا اظہار

اسلام آباد: الیکشن کمیشن کے چاروں صوبائی ممبران نے چیف الیکشن کمشنر پر غیر متزلزل اعتماد کا اظہار کیا ہے۔

ترجمان الیکشن کمیشن کی جانب سے جاری کردہ بیان میں کہا گیا ہے کہ الیکشن کمیشن کے چاروں ممبران نے چیف الیکشن کمشنر پر غیر متزلزل اعتماد کا اظہار کیا ہے اور ارکان نے باور کروایا ہے کہ ابھی تک کے تمام فیصلے باہمی مشاورت سے ہوئے ہیں۔

ترجمان نے بتایا کہ الیکشن کمیشن تمام فیصلے باہمی مشاورت اور قانونی تقاضوں کو مدنظر رکھتے ہوئے مشترکہ طور پر کرتا ہے، تمام اضلاع کے سیٹوں کا کوٹہ بھی الیکشن کمیشن نے باہمی رضا مندی اور قانونی تقاضوں سے طے کیا۔

الیکشن کمیشن کے ترجمان نے کہا کہ حلقہ بندی کمیٹیوں نے ابتدائی حلقہ بندی کی اور پھر اعتراضات داخل ہونے کے بعد کمیشن نے ان پر فیصلے کیے۔

ترجمان الیکشن کمیشن نے مزید کہا کہ ضلع حافظ آباد کے بارے میں اعتراضات کا فیصلہ بھی 5 ممبر بینچ نے مکمل ہم آہنگی سے کیا۔