بڑی ہلچل؛ انتہائی اہم رہنما نے پی ٹی آئی سے راہیں جدا کرلیں

ویب ڈیسک

08th Dec, 2023. 02:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بڑی ہلچل؛ انتہائی اہم رہنما نے پی ٹی آئی سے راہیں جدا کرلیں

پی ٹی آئی کے جوائنٹ سیکریٹری سید نعمان شاہ نے پارٹی سے راہیں جدا کرنے کا فیصلہ کرلیا۔

تفصیلات کے مطابق سید نعمان شاہ نے اپنے جاری کردہ ایک بیان میں کہا کہ عمران خان کی پالیسیوں اور سانحہ 9 مئی کے بعد میرا اب اس جماعت کے ساتھ چلنا مشکل ہو چکا ہے، اس لیے میں نے راہیں جدا کرنے کا فیصلہ کر لیا ہے۔

انہوں نے کہا کہ انٹرا پارٹی الیکشن جیسی جعل سازیوں سے پی ٹی آئی کو زندہ نہیں کیا جاسکتا، اب یہ پولیٹیکل پارٹی وینٹی لیٹر پر آ گئی ہے۔

ان کا کہنا تھا کہ پارٹی کے سابق چیئرمین عمران خان نے قوم اور نوجوانوں کو گمراہ کیا اور اس میں کوئی کسر نہیں چھوڑی۔

سید نعمان شاہ نے کہا کہ جیلوں میں بند خواتین کارکنوں سے ملنے کیلئے کسی کمیٹی نے خدمات سرانجام نہیں دیں، جبکہ بیرسٹر گوہر کو پاکستان تحریک انصاف کا چیئرمین نامزد کرنے سے کارکنوں میں شدید مایوسی ہے۔

انہوں نے کہا کہ صوبہ پنجاب میں سابق وزیراعلیٰ عثمان بزدار اور فرح گوگی کو پشت پناہی فراہم کر کے کرپشن کو فروغ دیا گیا۔

ان کا مزید کہنا تھا کہ چیئرمین کے غلط فیصلوں کی وجہ سے کارکن اس وقت شدید مشکلات میں ہیں۔