ڈرائیونگ لائسنس بنوانے کے خواہشمندوں کیلئے اہم خبر

ویب ڈیسک

27th Dec, 2023. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈرائیونگ لائسنس بنوانے کے خواہشمندوں کیلئے اہم خبر

ڈرائیونگ لائسنس بنوانے کے خواہشمند افراد کیلئے انتہائی اہم خبر آ گئی ہے۔

تفصیلات کے مطابق پنجاب حکومت نے لرنر، ڈرائیونگ لائسنس اور تجدید لائسنس کی فیسوں میں اضافہ کرنے کا فیصلہ کرلیا ہے۔

ٹریفک پولیس حکام کا کہنا ہے کہ لائسنس کی فیس 5 سال کی بجائے ہر سال وصول ہو گی، لرنر لائسنس کی 5 سال کیلئے فیس 60 روپے مقرر تھی، جو حکومت نے ہر سال 500 روپے مقرر کر دی۔

موٹرسائیکل لائسنس کی 5 سالہ فیس 550 روپے تھی، اب لائسنس کیلئے ہر سال 500 روپے وصول کیے جائیں گے۔

رکشہ کی 5 سالہ فیس 550 روپے تھی، اب 500 روپے مقرر کردی گئی، جبکہ موٹر کار و جیپ کے لائسنس کی 5 سالہ فیس 950 روپے تھی، اب 1800 روپے وصول کیے جائیں گے۔

اسی طرح لائٹ ٹرانسپورٹ کی 5 سالہ فیس 950 تھی، اب ہر سال 2000 وصول کی جائے گی جبکہ ہیوی ٹرانسپورٹ کی 5 سالہ فیس 450 تھی، اب ہر سال 2000 روپے دینا ہوں گے۔

ٹریفک پولیس حکام کے مطابق معذور افراد کے لائسنس کی 5 سالہ فیس 20 روپے مقرر تھی تو اب معذور افراد کے ڈرائیونگ لائسنس کی فیس ختم کر دی گئی ہے۔

خیال رہے کہ پنجاب میں نئی فیسوں کا اطلاق یکم جنوری 2024 سے ہوگا۔