شوکت ترین کا سینیٹ کی رکنیت سے استعفیٰ منظور

ملک سعید اعوان

10th Dec, 2023. 03:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شوکت ترین کا سینیٹ کی رکنیت سے استعفیٰ منظور

اسلام آباد: چیئرمین سینیٹ صادق سنجرانی نے سابق وزیر خزانہ شوکت ترین کا سینیٹ کی رکنیت سے استعفیٰ منظور کر لیا۔

تفصیلات کے مطابق چیئرمین سینیٹ صادق سنجرانی عراق سے دبئی پہنچ گئے جہاں پر ان کی پی ٹی آئی کے سینیٹر شوکت ترین سے ملاقات ہوئی۔

ملاقات میں شوکت ترین نے چیئرمین سینیٹ کو اپنا استعفیٰ پیش کیا، جس کے بعد انہوں نے شوکت ترین کا استعفیٰ منظور کر لیا۔

یاد رہے کہ سابق وزیر خزانہ شوکت ترین نے پی ٹی آئی کی رکنیت سے چند روز قبل استعفیٰ دیا تھا۔

پارٹی چھوڑنے کے بعد شوکت ترین نے میڈیا سے گفتگو کرتے ہوئے کہا تھا کہ پی ٹی آئی اور سینیٹ سے استعفیٰ دے رہا ہوں، معاشی حالات اور صحت کی وجہ سے پچھلے 2 ڈھائی سال بہت مشکل رہے، اہل خانہ اور دوستوں کی مشاورت کے بعد سیاست چھوڑ رہا ہوں۔

واضح رہے کہ شوکت ترین پاکستان تحریک انصاف (پی ٹی آئی) کے دور حکومت میں وزیر خزانہ تھے۔ وہ 2008 سے 2010 تک یوسف رضا گیلانی کی کابینہ میں وزیر خزانہ رہے ہیں۔

ابتائی طور پر انہوں نے سابق وزیراعظم یوسف رضا گیلانی کے مشیر کے طور پر خدمات سرانجام دیں جبکہ 2009 میں سندھ سے سینیٹر منتخب ہونے کے بعد انہیں وفاقی وزیر خزانہ کا قلم دان سونپ دیا گیا تھا۔