الیکشن 8 فروری کو ہی ہونگے، اس پر کوئی دورائے نہیں، مرتضیٰ سولنگی

صلاح الدین علی

07th Dec, 2023. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن 8 فروری کو ہی ہونگے، اس پر کوئی دورائے نہیں، مرتضیٰ سولنگی

نگران وفاقی وزیر اطلاعات مرتضیٰ سولنگی نے کہا ہے کہ الیکشن 8 فروری کو ہی ہونگے اور اس پر کوئی دورائے نہیں۔

تفصیلات کے مطابق نگران وفاقی وزیر اطلاعات مرتضیٰ سولنگی نے نگران صوبائی وزیر اطلاعات احمد شاہ کے ہمراہ سندھ اسمبلی میں مشترکہ پریس کانفرنس کرتے ہوئے کہا کہ صوبائی اور وفاقی حکومت مل کر کام کریں گے تو رابطے کا فقدان نہیں ہو گا، آٹھ فروری کو الیکشن ہو گا اس میں کسی کو شبہ نہی ہونا چاہیے، عوام کے فیصلے کرنا منتخب لوگوں کا کام ہے، ہم صرف نگرانی کر رہے ہیں، وفاقی اور صوبائی حکومت کے درمیان فاصلوں میں کوئی فقدان نہیں ہے۔

ان کا کہنا تھا کہ ہم چاہتے ہیں حالات خراب نہ ہوں اور انتخابات صاف وشفاف ہوں، انتخابات کو خراب کرنے کے لیے مفروضہ پر دیہان نہیں دینا چاہیے، انتخابات کے حوالے سے لیول پلیئنگ فیلڈ کے بیانات سیاست کا حصہ ہیں، الیکشن کرانا الیکشن کمیشن کا کام ہے، کسی عدالت یا نگران وزیر نے الیکشن نہیں کرانے، سیاسیت کے اندر شکوے شکایت جمہوریت کا حصہ ہیں۔

نگران صوبائی وزیر اطلاعات احمد شاہ کا اس موقع پر کہنا تھا کہ میری دعوت پر وفاقی وزیر اطلاعات کراچی آئے ہیں، چاہتا ہوں کہ وفاقی اور صوبائی معاملات میں بہتر کوارڈنیشن ہو سکے۔