بروقت آزادانہ اور منصفانہ انتخابات ہی ملکی معاشی بحران کو ٹال سکتے ہیں، راجہ پرویز اشرف

ویب ڈیسک

03rd Dec, 2023. 12:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بروقت آزادانہ اور منصفانہ انتخابات ہی ملکی معاشی بحران کو ٹال سکتے ہیں، راجہ پرویز اشرف
صحیح سمت کیلیے مساوی تعاون ناگزیر ہے، شہباز شریف کا ریاض میں کانفرنس سے خطاب
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی

Now Reading:

بروقت آزادانہ اور منصفانہ انتخابات ہی ملکی معاشی بحران کو ٹال سکتے ہیں، راجہ پرویز اشرف

اسپیکر قومی اسمبلی راجہ پرویز اشرف نے کہاہے کہ صرف بروقت آزادانہ اور منصفانہ انتخابات ہی ملک میں موجودہ معاشی اور سیاسی بحرانوں کو ٹال سکتے ہیں۔

تفصیلات کے مطابق اسپیکر قومی اسمبلی راجہ پرویز اشرف نے اپنے ایک بیان میں کہا کہ انتخابات کرانے کے علاوہ کوئی چارہ نہیں، انہیں یقین ہے کہ عام انتخابات 8 فروری کو ہوں گے کیونکہ ملک ایک اور بڑے سیاسی بحران کا بوجھ نہیں اٹھا سکتا۔

انہوں نے کہا کہ بروقت آزادانہ اور منصفانہ انتخابات ہی ملک میں موجودہ معاشی اور سیاسی بحرانوں کو ٹال سکتے ہیں۔

راجہ پرویز اشرف نے کہا کہ سیاسی حرکیات بدل چکی ہیں ،عوام نے حالیہ ضمنی انتخابات میں پاکستان تحریک انصاف کے 20 منحرف ارکان کو مسترد کر دیا ہے۔

انہوں نے کہا کہ آج کا ووٹر کوئی پرانا ووٹر نہیں ہے،وہ ہر ترقی پر گہری نظر رکھے ہوئے ہیں، بیلٹ اس پارٹی کے حق میں جائے گا جو ان کا اعتماد جیتے گی۔

ان کا کہنا تھا کہ پاکستان پیپلز پارٹی (پی پی پی) کو کبھی بھی برابری کا میدان نہیں ملا تاہم وہ عام انتخابات میں پنجاب میں سرپرائز دینے کو تیار ہے۔

ایک سوال کے جواب میں اسپیکر قومی اسمبلی نے کہا کہ مسلم لیگ (ن) کے رہنماؤں کو اپنی سیاست پر توجہ دینی چاہیے کیونکہ عطاء اللہ تارڑ جیسے لوگ پارٹی کی ساکھ کو نقصان پہنچا رہے ہیں۔