ن لیگ نے پارٹی ٹکٹ کیلئے امیدواروں کے انٹرویوز شروع کر دیے

ویب ڈیسک

03rd Dec, 2023. 12:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ن لیگ نے پارٹی ٹکٹ کیلئے امیدواروں کے انٹرویوز شروع کر دیے
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

ن لیگ نے پارٹی ٹکٹ کیلئے امیدواروں کے انٹرویوز شروع کر دیے

ن لیگ نے پارٹی ٹکٹ کیلئے امیدواروں کے انٹرویوز شروع کر دیے ہیں۔

تفصیلات کے مطابق مسلم لیگ (ن) لاہور نے آئندہ الیکشن کے حوالے سے تیاریاں شروع کر دیں۔

مسلم لیگ ن کے سئنیر رہنما خواجہ سعد رفیق کی سربراہی میں بورڈ لاہور میں انٹرویوز لے رہا ہے۔

ملک احمد خان صدر مسلم لیگ ن لاہور سیف الملوک کھوکھر، جنرل سیکرٹری مسلم لیگ ن لاہور خواجہ عمران نذیر انٹرویوز کرنے والوں میں شامل ہیں۔

این اے ایک سو سترہ کی پی پی 145 اور پی پی 146 کے انٹرویوز جاری ہیں، این اے 118 کی پی پی 147 اور پی پی 148 کے انٹرویوز بھی ہو رہے ہیں، این اے 119 کی پی پی 149 اور پی پی 150 کے امیدواروں کے انٹرویوز دو بجے ہوں گے، این اے 120 کی پی پی 151 اور 154 کے انٹرویوز 3 بجے ہوں گے، پی پی 152 اور پی پی 153 کے انٹرویوز چار بجے، پی پی 155 اور پی پی 157 کے انٹرویوز پانچ بجے جبکہ پی پی 158 اور پی پی 163 کے انٹرویوز چھ بجے ہوں گئے ہوں گے۔

مسلم لیگ ن لاہور نے پارٹی ٹکٹ خواہشمندوں کو اکیلے آنے کی ہدایت کر دی ہے، کوئی بھی رہنما اپنے ساتھ پارٹی سپورٹرز نہیں لا سکے گا۔

واضح رہے کہ الیکشن کمیشن اعلان کر چکا ہے کہ جنوری کے آخری ہفتے میں انتخابات کرائے جائیں گے جبکہ سپریم کورٹ میں 11 فروری کی تاریخ سامنے آئی تاہم صدر سے مشاورت کے بعد 8 فروری کی تاریخ پر اتفاق ہوا۔

قومی اسمبلی اور چاروں صوبائی اسمبلیوں کے انتخابات آٹھ فروری کو کرائے جائیں گے جس کا الیکشن کمیشن کی جانب سے باضابطہ طور پر نوٹیفکیشن بھی جاری کردیا گیا ہے۔

دوسری جانب آئندہ عام انتخابات کے انعقاد سے متعلق اہم ترین معاملہ طے ہوگیا، الیکشن کمیشن نے عام انتخابات کیلئے حلقہ بندیوں کی حتمی فہرست جاری کردی، ڈیجیٹل مردم شماری کے تحت حلقہ بندیاں مکمل کی گئیں۔

اس کے علاوہ چیف الیکشن کمشنر سکندر سلطان راجہ نے اپنے بیان میں کہا تھا کہ حلقہ بندیاں شائع ہوچکی ہیں باقی سب کچھ اپنے وقت پر ہوگا، ہم سب کچھ اپنے وقت سے پہلے کررہے ہیں، الیکشن شیڈول، آر آوز اور ڈی آر آوز کی تعیناتی بھی وقت پر ہوگی۔

صحافی کی جانب سے سوال کیا گیا کہ انتخابی شیڈول کب جاری ہوگا؟ سکندر سلطان راجہ نے جواب دیتے ہوئے کہا کہ 8 فروری سے پیچھے 54 دن کا حساب لگا لیں۔

صحافی نے سوال کیا تھا کہ آر آوز اور ڈی آر آوز عدلیہ یا بیوروکریسی سے لیں گے؟ جس پر چیف الیکشن کمشنر نے مسکراتے ہوئے نو کمنٹس کا جواب دیا۔

بعدازاں الیکشن کمیشن کی جانب سے عام انتخابات کی تیاریاں جاری ہیں تاہم الیکشن کے اعلان مسلم لیگ ن اور متحدہ قومی موومنٹ پاکستان (ایم کیو ایم) نے 8 فروری کو ہونے والے عام انتخابات مل کر لڑنے کا اعلان کیا جبکہ پیپلز پارٹی نے عام انتخابات میں سولو فلائٹ لینے کا فیصلہ کیا تھا۔