نگران حکومت نے پیٹرول اور ڈیزل کی قیمتوں میں کمی کا ریلیف دے کر عوام کے کاندھوں سے مہنگائی کے بوجھ کو کم کر دیا۔

تفصیلات کے مطابق اوگرا نے پیٹرولیم مصنوعات کی قیمتوں میں بڑی کمی کر دی، پیٹرول کی قیمت میں 14 روپے فی لیٹر کمی جبکہ ڈیزل بھی 13 روپے 50 پیسے سستا ہو گیا۔

پیٹرولیم مصنوعات کی قیمتوں میں کمی کا نوٹیفکیشن جاری کر دیا گیا ہے۔

نگران حکومت نے پچھلے تین ماہ میں پیٹرول میں 62 روپے اور ڈیزل کی قیمتوں میں تقریباً 55.17 روپے کمی کی ہے۔

آنے والے دنوں میں پیٹرول کی قیمتوں میں کمی کے باعث اشیائے خوردونوش میں واضح کمی کے بھی امکانات بڑھ گئے۔

ستمبر میں پیٹرول 331.38 پیسے اور ڈیزل کی قیمت 329.18 پیسے تھی جبکہ 16 دسمبر کو پیٹرول 267.34 اور ڈیزل کی قیمتوں میں 276.21 پیسوں کی واضح کمی دیکھی گئی۔

عوام نے اپنی قیمتی رائے کا اظہار کر دیا

عوام نے پیٹرول کی قیمت میں کمی کو خوش آئند قرار دے دیتے ہوئے کہا کہ خوشی کی بات ہے کہ کافی وقت بعد کسی چیز کی قیمت کم ہوئی ہے اور اس چیز کا اثر مزید چیزوں پر بھی پڑے گا۔

ایک اور شخص کا کہنا ہے کہ میں اس کا کریڈٹ نگران حکومت کو دینا چاہتا ہوں، انہوں نے کافی کوششوں کے بعد ہمارے لیے اتنا اچھا اقدام کیا ہے۔