نگراں وزیر اعلیٰ پنجاب محسن نقوی نے سرکاری ملازمین کیلئے بڑی خوشخبری سنا دی ہے۔

تفصیلات کے مطابق نگراں وزیر اعلیٰ پنجاب محسن نقوی نے چوبرجی میں سرکاری ملازمین کیلئے ملٹی سٹوری 4 اپارٹمنٹس ٹاورز بنانے، نیا ڈرینج سسٹم اور سکیورٹی نظام لانے کا اعلان کیا ہے۔

نگراں وزیر اعلیٰ پنجاب محسن نقوی نے کہا کہ سرکاری ملازمین کی رہائش کے لئے ملٹی سٹوریز ٹاور کا سنگ بنیاد رکھ دیا ہے، کم گریڈ سرکاری ملازمین کی رہائش کے لئے ملٹی سٹوری اپارٹمنٹس بنیں گے۔

 محسن نقوی نے کہا کہ 5 منزلہ ٹاور میں گریڈ11سے گریڈ 14تک ملازمین کے لئے رہائش گاہیں بنائی جائیں گی، ٹاور کے لئے ٹیوب ویل چیمبر اور جنریٹر روم بھی بنایاجائے گا، خصوصی طورپر فائر فائٹنگ سسٹم او رالارم بھی لگائے جائیں گے۔

نگراں وزیر اعلیٰ پنجاب محسن نقوی نے کہا کہ انڈر گراؤنڈواٹر ٹینک بھی بنایاجائے گا، لفٹ بھی نصب کی جائے گی، ہر ٹاور میں 30کارو ں اور 40 موٹر سائیکلوں کی پارکنگ بھی ہوگی، ٹاور کے ہر فلور پر 6اپارٹمنٹس بنائے جائیں گے۔

اس موقع پر صوبائی وزیر اطلاعات عامر میر، چیف سیکرٹری، ایڈیشنل چیف سیکرٹری، سیکرٹری تعمیرات و مواصلات، سی سی پی او لاہور، کمشنرلاہور، ڈپٹی کمشنر اور متعلقہ حکام بھی موجود تھے۔