کراچی: مئیر کراچی مرتضیٰ وہاب نے کہا ہے کہ بلاول بھٹو زرداری کراچی کے کس حلقے سے الیکشن لڑیں گے فیصلہ نہیں ہوا، بلاول صاحب پورے پاکستان سے بھی الیکشن لڑ سکتے ہیں۔

مرتضیٰ وہاب نے سپریم کورٹ رجسٹری میں میڈیا سے غیر رسمی گفتگو کرتے ہوئے کہا کہ شہباز شریف پاکستان کے سابق وزیر اعظم ہیں انکو حق ہے وہ کہیں سے بھی الیکشن لڑ سکتے ہیں۔

انہوں نے کہا کہ حکومت عوام کی فلاح و بہبود کے لیے کام کرتی ہے، حکومت کوشش کرتی ہے جو وسائل عوام کے لیے ہیں استعمال کریں۔

مئیر کراچی نے کہا کہ عدالت کے شکر گزار ہیں، عدالتی احکامات پر عملدرآمد کی رپورٹ جمع کرائی ہے، ایک معاملہ رہتا ہے متاثرین کو کونسی تجاویز منظور ہے، عدالت نے حکومت کو پندرہ دن کا ٹائم دیا ہے حکومت فیصلہ کرے گی۔

انکا کہنا تھا کہ سندھ میں پیپلز پارٹی کے خلاف اتحاد بن گئے ہیں اس سے پپلز پارٹی کیا چینجلز ہیں، زیرو زیرو پلیس زیرو آل ایکول ٹو زیرو۔

مرتضیٰ وہاب نے کہا کہ میں شکر گزار ہوں اگر میاں صاحب سندھ کا دورہ کریں، اگر میاں صاحب کو اقتدار ملے تو تب بھی سندھ کا دورہ کریں، نواز شریف سندھ کے ہر ڈسٹرکٹ میں جائیں رات گزاریں۔

انہوں نے کہا کہ اقتدار کے بعد کبھی کراچی آتے ہیں اور گورنر ہاؤس میں رات گزار کر اسلام آباد واپس چلے جاتے ہیں، اچھی چیز تو یہ ہے کہ عوامی لیڈر عوام میں آئے جیسے بلاول بھٹو۔

مئیر کراچی نے مزید کہا کہ چیف الیکشن کمشنر کو ہٹانے کا مطالبہ بار کونسلز کا ہے، ہم چاہتے ہیں صاف و شفاف الیکشن ہوں۔