تاج حیدر نے چیف الیکشن کمشنر کو خط لکھ دیا

ملک سعید اعوان

04th Jan, 2024. 11:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تاج حیدر نے چیف الیکشن کمشنر کو خط لکھ دیا

پاکستان پیپلز پارٹی کے مرکزی الیکشن مانیٹرنگ سیل کے انچارج تاج حیدر نے چیف الیکشن کمشنر کے نام خط لکھ دیا۔

تفصیلات کے مطابق پاکستان پیپلز پارٹی کے مرکزی الیکشن مانیٹرنگ سیل کے انچارج تاج حیدر نے چیف الیکشن کمشنر کو خط لکھ دیا۔

خط میں جیکب آباد میں پولیس کے تعاون سے محمد میاں سومرو امیدوار این اے 190 جیکب آباد کے ضابطہ اخلاق کی کھلم کھلا خلاف ورزی کی طرف توجہ مبذول کرائی گئی۔

خط کا متن ہے کہ آزاد امیدوار محمد میاں سومرو کو پولیس کی طرف سے پروٹوکول فراہم کیا جا رہا ہے، پولیس کے پروٹوکول فراہم کرنے کی وڈیوز منسلک ہیں، یہ عمل ووٹرز میں خوف پھیلانے اور یہ تاثر دیا جا رہا ہے کہ وہ قانون سے بالاتر ہیں اور پہلے ہی منتخب ہو چکے ہیں۔

تاج حیدر نے خط میں مزید کہا کہ چیف الیکشن کمیشن سے درخواست کرتے ہیں کہ برائے مہربانی قانون کے تحت کارروائی کریں۔