پی کے 91 کوہاٹ: سپریم کورٹ کے فیصلے کے بعد الیکشن کمیشن سے اہم خبر آگئی

عقیل احمد

02nd Jan, 2024. 01:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی کے 91 کوہاٹ: سپریم کورٹ کے فیصلے کے بعد الیکشن کمیشن سے اہم خبر آگئی

اسلام آباد: پی کے 91 کوہاٹ سے متعلق سپریم کورٹ کے فیصلے کے بعد حلقے کے لئے الیکشن شیڈول میں تبدیلی کردی گئی ہے۔

تفصیلات کے مطابق چیف الیکشن کمشنر سکندر سلطان راجہ کی زیر صدارت سیکیورٹی امور سے متعلق الیکشن کمیشن میں اہم اجلاس منعقد ہوا جس میں عام انتخابات کے لیے سیکیورٹی ضروریات کا جائزہ لیا گیا۔

اجلاس میں پی کے 91 کوہاٹ سے متعلق سپریم کورٹ کے فیصلے کے بعد حلقے کے لئے الیکشن کا شیڈول میں تبدیل کردیا گیا، اب پی کے 91 کے لیے کاغذات نامزدگی کی جانچ پڑتال کا آخری دن پانچ جنوری کو ہوگا۔

اس کے علاوہ کاغذات نامزدگی مسترد یا منظور ہونے کے خلاف اپیل دائر کرنے کی آخری تاریخ نو جنوری ہوگی اور ایپلٹ ٹربیونل اپیلوں پر 16 جنوری تک فیصلے کریں گے۔

مزید پڑھیں: ایسا لگ رہا ہے کچھ لوگ چاہتے ہیں کہ انتخابات نہ ہوں

اجلاس میں مزید بتایا گیا کہ کاغذات نامزدگی واپس لینے کی آخری تاریخ 18 جنوری ہوگی اور پی کے 91 کے امیدواروں کو انتخابی نشانات 19 جنوری کو الاٹ کیے جائیں گے۔

اجلاس میں ممبران الیکشن کمشن، سیکریڑی الیکشن کمیشن، وفاقی سیکرٹری داخلہ اور قانون نافذ کرنے والے اداروں کے اعلیٰ حکام بھی شریک تھے۔

واضح رہے کہ سپریم کورٹ نے پی کے 91 ریٹرننگ آفیسر سے متعلق پشاور ہائیکورٹ کا فیصلہ کالعدم کرتے ہوئے پشاور ہائیکورٹ فیصلے کے خلاف الیکشن کمیشن کی اپیل منظور کرلی۔