عام انتخابات: ایس ایم ایس سروس پر پولنگ اسٹیشنز کی معلومات جاری

فہد

29th Jan, 2024. 10:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عام انتخابات: ایس ایم ایس سروس پر پولنگ اسٹیشنز کی معلومات جاری

اسلام آباد: الیکشن کمیشن آف پاکستان (ای سی پی) کی جانب سے عام انتخابات کیلئے 8300 ایس ایم ایس سروس پر پولنگ اسٹیشنز کی معلومات جاری کر دی گئی ہیں۔

الیکشن کمیشن نے رجسٹرڈ ووٹرز سے کہا ہے کہ وہ 8300 ایس ایم ایس سروس کے ذریعے اپنی تفصیلات اور پولنگ اسٹیشن کے بارے میں پیشگی معلومات حاصل کریں۔

ووٹرز مکمل معلومات حاصل کرنے کے لیے اپنا قومی شناختی کارڈ نمبر 8300 پر بھیجیں، تاہم اس سروس کے چارجز دو روپے فی ایس ایم ایس ہیں۔

یہ بھی پڑھیں: الیکشن 2024؛ الیکشن کمیشن نے کوریج کے لیے ضابطہ اخلاق جاری کردیا

دریں اثناء الیکشن کمیشن نے شہریوں کو اپنی انتخابی شکایات کے اندراج کے لئے پلیٹ فارم فراہم کرنے کے لیے 0327 5050610 پر ایک فعال واٹس ایپ ہیلپ لائن متعارف کرائی ہے۔

واٹس ایپ کے علاوہ شہری اپنی انتخابی شکایات @ecp.gov.pk پر ای میل کے ذریعے یا مخصوص ہیلپ لائن 111-327-000 پر جمع کرا سکتے ہیں۔

یاد رہے کہ الیکشن کمیشن نے پہلے ہی عام انتخابات سے متعلق ووٹرز کی شکایات کو دور کرنے کے لیے الیکشن مانیٹرنگ اینڈ کمپلینٹ سینٹر قائم کر رکھا ہے۔