مریم نواز کے اثاثوں کی تفصیلات منظر عام پر آگئیں

ویب ڈیسک

04th Jan, 2024. 10:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مریم نواز کے اثاثوں کی تفصیلات منظر عام پر آگئیں

پاکستان مسلم لیگ ن کی چیف آرگنائز مریم نواز کے اثاثوں کی تفصیلات بھی منظر عام پر آگئی ہیں۔

تفصیلات کے مطابق این اے 119 میں جمع کرائے گئے مسلم لیگ ن کی رہنما مریم نواز کے اثاثوں کی تفصیلات سامنے آگئیں، مریم نواز نے اپنے اثاثوں میں لاہور کے مختلف موضع جات میں 84 کروڑ 25 لاکھ 84 ہزار روپے سے زائد مالیت کی 1500 کنال سے زائد اراضی ظاہر کی ہے۔

مریم نواز نے اثاثوں میں ایک سال کے دوران چالیس لاکھ روپے سے زائد کا اضافہ ظاہر کیا ہے اور تعلیمی قابلیت ایم اے انگلش لٹریچر ظاہر کی ہے۔

دستاویزات میں بتایا گیا ہے کہ مریم نواز کسی گاڑی کی مالک نہیں ہیں، یہ اپنے بھائی حسن نواز کی 2 کروڑ 89 لاکھ روپے سے زائد کی مقروض ہیں۔

اس کے علاوہ مریم نواز شریف نے 17 لاکھ 50 ہزار روپے مالیت کا سونا بھی ظاہر کیا جبکہ انہوں نے اثاثوں میں 1 کروڑ 22 لاکھ مالیت کے مختلف کمپنیوں میں 11 لاکھ 20 ہزار شیئرز بھی ظاہر کیے ہیں۔

دستاویزات کے مطابق مریم نواز کے پاس مختلف بینک اکاونٹس اور کیش کی صورت میں 1 کروڑ روپے سے زائد کی رقم موجود ہے جبکہ انہوں نے اپنی سیاسی جماعت کو پارٹی ٹکٹ کے لئے 2 لاکھ روپے بھی دیے ہیں۔