ملک بحران کا شکار ہے، ہم اسے بحرانوں سے نکالیں گے، رانا ثناء اللہ

ویب ڈیسک

21st Jan, 2024. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بحران کا شکار ہے، ہم اسے بحرانوں سے نکالیں گے، رانا ثناء اللہ

پاکستان مسلم لیگ ن کے رہنما رانا ثناء اللہ نے کہا ہے کہ ملک بحران کا شکار ہے، ہم اسے بحرانوں سے نکالیں گے۔

سابق وزیر داخلہ رانا ثناء اللہ نے فیصل آباد میں تقریب سے خطاب کرتے ہوئے کہا کہ بحران کی ذمے داری ان پر ہے جنہوں نے ملک کو معاشی طور پر تباہ کیا۔

انہوں نے کہا کہ ہمارے دور میں دہشت گردی اور لوڈشیڈنگ ختم ہوئی، پاکستان ترقی یافتہ ملک بن رہا تھا دوبارہ ایک سازش ہوئی۔

رانا ثناء اللہ نے کہا کہ سیاسی کارکنوں کو حالات کا اندازہ ہو جاتا ہے، 2018 کے الیکشن سے پہلے ہی معاملات کا انداز ہ ہوگیا تھا۔

مسلم لیگ ن کے رہنما نے کہا کہ ایک ایک حلقے میں25،25 امیدوار سامنے آئے تھے، 20 میں سے کسی ایک کا انتخاب ہی ہوسکتا ہے۔

رانا ثناء اللہ نے مزید کہا کہ ایک ہی حلقے کیلئے بعض جگہوں پر 20 سے 25 امیدوار تھے، ایسا ہو نہیں سکتا ٹکٹوں کی تقسیم پر شکایات نہ ہوں، بھرپور کوشش ہوگی کسی کو ناراض نہ کریں۔