عام انتخابات؛ الیکشن کمیشن کا اب تک کے انتظامات پر اطمینان کا اظہار

فہد

29th Jan, 2024. 04:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عام انتخابات؛ الیکشن کمیشن کا اب تک کے انتظامات پر اطمینان کا اظہار

اسلام آباد: الیکشن کمیشن آف پاکستان نے عام انتخابات کے لئے اب تک کے انتظامات پر اطمینان کا اظہار کردیا۔

چیف الیکشن کمشنر کی زیر صدارت اہم اجلاس منعقد ہوا جس میں عام انتخابات 2024 کی تیاریوں سے متعلق جائزہ لیا گیا۔

اجلاس میں کمیشن کو انتخابات کی تیاریوں سے متعلق تفصیلی بریفنگ دی گئی جبکہ بجٹ ونگ نے اب تک کے اخراجات اور اکاؤنٹس میں موجودہ رقم کے بارے میں بریفنگ دی۔

اس کے علاوہ الیکشن ونگ نے بیلیٹ پیپرز کی چھپائی اور ترسیل کے بارے میں بھی بریفنگ دی۔

یہ بھی پڑھیں: عام انتخابات: ایس ایم ایس سروس پر پولنگ اسٹیشنز کی معلومات جاری

دوران اجلاس ذرائع الیکشن کمیشن نے بتایا کہ اب تک 60 فیصد سے زائد حلقوں کے بیلیٹ پیپرز کی چھپائی مکمل ہو چکی ہے، کئی اضلاع میں بیلیٹ پیپرز کی ترسیل کی جا چکی ہے۔

الیکشن کمیشن نے اب تک کے انتظامات پر اطمینان کا اظہار کیا اور تمام مراحل بروقت مکمل کرنے کی ہدایت کی۔

واضح رہے کہ اجلاس میں الیکشن کمیشن ممبران، سیکرٹری اور متعلقہ ونگز کے حکام شریک تھے۔