سپریم کورٹ نے وفاقی حکومت سے کسی کو لاپتہ نہ کرنے کی یقین دہانی مانگ لی ہے۔

تفصیلات کے مطابق حکمنامہ چیف جسٹس قاضی فائز عیسٰی نے لاپتہ افراد اور جبری گمشدگیوں سے متعلق کیس کا تحریری حکمنامہ جاری کر دیا۔

سپریم کورٹ نے وفاقی حکومت سے کسی کو لاپتہ نہ کرنے کی یقین دہانی مانگ لی۔

حکمنامے کے مطابق کسی بھی شہری کو قانون کے برعکس نہیں اٹھایا جائے گا، پرامن احتجاج سب کا حق ہے، کسی بھی شہری کو قانون کے برعکس گرفتار نہیں کیا جائے گا، لاپتہ افراد کمیشن دس روز میں اپنے کوائف سے متعلق تفصیلات اٹارنی جنرل کو جمع کرائے، اٹارنی جنرل لاپتہ افراد کمیشن سے رپورٹ آ جانے کے بعد حتمی رپورٹ عدالت میں جمع کرائیں۔

سپریم کورٹ کے مطابق کیس کی سماعت عدالت کی طلب کردہ دستاویزات جمع کرانے کے بعد ہو گی، لاپتہ افراد کمیشن دس روز میں اپنے کوائف سے متعلق تفصیلات اٹارنی جنرل کو جمع کرائے، اٹارنی جنرل لاپتہ افراد کمیشن سے رپورٹ آجانے کے بعد حتمی رپورٹ عدالت میں جمع کرائیں، اعتزاز احسن کی درخواست پر رجسٹرار آفس کے عائد اعتراضات ختم کیے جاتے ہیں۔

سپریم کورٹ نے حکمنامہ جاری کرتے ہوئے کہا کہ اعتزاز احسن کی درخواست پر عدالت صرف لاپتہ افراد تک محدود رہے گی، اعتزاز احسن کی درخواست میں سیاسی وابستگی رکھنے اور واپس آجانے والوں کے معاملے کو عدالت نہیں دیکھے گی، جسٹس ریٹائرڈ جاوید اقبال کی سربراہی میں چار رکنی لاپتہ افراد کمیشن 2011 سے قائم ہے۔

حکمنامے کے مطابق آمنہ مسعود جنجوعہ اور دیگر فریقین نے لاپتہ افراد کمیشن پر عدم اعتماد کا اظہار کیا، رجسٹرار کمیشن خالد نسیم نے بتایا کہ کمیشن کی کوششوں سے بہت سے لاپتہ افراد بازیاب ہوئے، وکیل فیصل صدیقی نے بتایا کہ کمیشن کے کئی پروڈکشن آرڈرز نظر انداز کیے گئے ہیں، فیصل صدیقی کو عدالت لاپتہ افراد کیس میں معاون مقرر کرتی ہے۔

جسٹس قاضی فائز عیسیٰ نے کہا کہ الزام ہے کہ ایک وفاقی وزیر کی کوششوں کو اسی پارٹی کے ووٹوں سے منتخب سینیٹ چیئرمین نے ناکام بنایا، یہ بہت سنگین الزام ہے جو صادق سنجرانی پر لگایا گیا ہے، صادق سنجرانی کو اس کیس میں درخواست گزار نے فریق نہیں بنایا، جب تک درخواست گزار انہیں فریق نہیں بناتے ان الزامات کی سماعت کرنا مناسب نہیں ہو گا۔