عبدالعلیم خان کے حق میں ایک اور امیدوار کا دستبرداری کا فیصلہ

ویب ڈیسک

25th Jan, 2024. 02:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عبدالعلیم خان کے حق میں ایک اور امیدوار کا دستبرداری کا فیصلہ

لاہور: این اے117 سے استحکام پاکستان پارٹی (آئی پی پی) کے صدر عبدالعلیم خان کے حق میں ایک اور امیدوار چوہدری واحد نے دستبرداری کا فیصلہ کرلیا ہے۔

دستبردار ہونے والے امیدوار چوہدری واحد نے عبدالعلیم خان سے ملاقات کی اور انکا ساتھ دینے کا اعلان کیا۔

دوران ملاقات چوہدری واحد نے گفتگو کرتے ہوئے کہا کہ عبدالعلیم خان کو اس علاقے کی نمائندگی کیلئے بہترین انتخاب سمجھتے ہیں۔

دستبردار ہونے و ساتھ دینے پر عبدالعلیم خان نے چوہدری واحد اور اُن کے ساتھیوں سے اظہار تشکر کیا۔

دوسری جانب شاہدرہ سے سابق ناظم افضل بھولا نے بھی عبدالعلیم خان سے ملاقات کی اور انکی بھرپور حمایت کا اعلان کیا۔

یہ بھی پڑھیں: عبدالعلیم خان کو قومی اسمبلی کے حلقہ این اے 117 اور پی پی 149 میں بڑی سیاسی کامیابیاں

اس موقع پر عبدالعلیم خان کو مداحوں کی طرف سے عقاب، روائتی پگڑی اور شال کے تحائف دیے گئے اور امیدوار نے کہا کہ منافقت کی سیاست نہیں کرتے، ساتھ چلیں گے تو پورا ساتھ بھی دیں گے۔

عبدالعلیم خان نے گفتگو کرتے ہوئے کہا کہ شاہدر ہ کے عوام کی طرف سے پذیرائی لائق تحسین، توقعات پر پورا اتریں گے، این اے 117 کے حالات بدلنے کیلئے جو کچھ ہو سکا ضرور کریں گے۔

استحکام پاکستان پارٹی کے صدر عبدالعلیم خان نے تحائف دینے والے مداحوں سے اظہار تشکر کیا اور کہا کہ ہم سب کے دل اکٹھے دھڑکتے ہیں۔