نگران وزیر اطلاعات مرتضیٰ سولنگی نے کہا ہے کہ مصنوعی ذہانت (اے آئی) کے ذریعے پھیلائی جانے والی غلط معلومات دنیا بھر کی ریاستوں اور جمہوریت کے لئے بہت بڑا خطرہ ہے۔
مرتضیٰ سولنگی نے لاہور میں انٹرنیشنل میڈیا اینڈ کمیونیکیشن کانفرنس سے خطاب کرتے ہوئے کہا کہ صحافت کا بنیادی اصول گیٹ کیپر سسٹم بنانا ہے لیکن عصری میڈیا نے اس اصول کو پامال کر دیا ہے۔
انہوں نے اس بات پر زور دیا کہ نیوز رومز میں حقائق کی جانچ کے لئے الگ شعبے ہونے چاہئیں، ورنہ پروپیگنڈا کرنے والے لوگوں کو غلط لائن پر لگا کر ملکوں کو نقصان پہنچائیں گے۔
مرتضیٰ سولنگی نے کہا کہ سال 2024 مختلف ممالک میں انتخابات کا سال ہے، میڈیا انڈسٹری اس سلسلے میں ذمہ دارانہ کردار ادا کریں، ذمہ دارانہ رویے کے ساتھ مصنوعی ذہانت کے استعمال سے بہت سے کام کیے جا سکتے ہیں۔
انہوں نے مزید کہا کہ ایک ہفتے بعد انڈونیشیا میں انتخابات ہورہے ہیں، 8 فروری کو پاکستان اور نومبر میں بھارت میں الیکشن ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News