ریٹرننگ افسروں کی جانب سے عام انتخابات کے لیے کاغذات نامزدگی مسترد ہونے کے بعد مختلف سیاسی جماعتوں کے امیدواروں کی جانب سے اپیلیں دائر کرنے کا سلسلہ آج دوسرے روز بھی جاری ہے۔

تفصیلات کے مطابق ریٹرننگ افسروں کی جانب سے اب تک 14 امیدواروں نے کاغذات مسترد ہونے کے خلاف اپیلیں جمع کرائیں جن میں سے تین کی اپیلیں کاغذات نامکمل ہونے پر مسترد کر دی جبکہ کل اپیلیں جمع کرنے کی آخری تاریخ ہے۔

لاہور کے ایپلٹ ٹریبونل میں 20 سے زائد اپیلیں دائر ہو چکی ہیں جبکہ لاہور، کراچی، کوئٹہ اور دیگر شہروں میں بھی اپیلیں دائر کرنے کا سلسلہ برقرار ہے۔

کاغذات نامزدگی مسترد ہونے کیخلاف سابق وزیر تیمور سلیم جھگڑا کی جانب سے الیکشن ٹریبونل میں اپیل دائر کردی گئی ہے، علی گوہر درانی ایڈووکیٹ نے تیمور اپیل دائر کی ہے۔

حکام کا کہنا تھا کہ اب تک 11 امیدواروں نے کاغذات مسترد ہونے کیخلاف اپیلیں دائر کی ہے، اپیل میں کاغذات نامکمل ہونے پر سابق ڈپٹی اسپیکر محمود جان کے کی اپیل درخواست واپس کی ہے۔

دوسری جانب قومی اسمبلی کے حلقہ این اے 236 سے پی ٹی آئی امیدوار عالمگیر خان نے الیکشن ٹریبونل میں اپیل دائر کر دی ہے، ریٹرننگ افسر نے عالمگیر خان کے ٹیکس کی عدم ادائیگی پر کاغذات نامزدگی مسترد کیے تھے۔

واضح رہے کہ لاہور ہائی کورٹ میں 9 ایپلٹ ٹریبونل تشکیل دیے گئے ہیں، آر اوز کے فیصلوں کیخلاف اپیلیں دائر کرنے کا سلسلہ کل تک جاری رہے گا۔