ایم کیو ایم اور ن لیگ کے درمیان خفیہ معاہدہ طے پایا ہے، خورشید شاہ

ویب ڈیسک

23rd Jan, 2024. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایم کیو ایم اور ن لیگ کے درمیان خفیہ معاہدہ طے پایا ہے، خورشید شاہ

سکھر: پیپلز پارٹی کے سینیئر رہنما خورشید شاہ نے کہا ہے کہ ایم کیو ایم اور ن لیگ کے درمیان خفیہ معاہدہ طے پایا ہے۔

سابق وفاقی وزیر خورشید شاہ نے پنوعاقل میں صحافیوں سے گفتگو کرتے ہوئے کہا کہ ایم کیو ایم اور ن لیگ کے درمیان خفیہ معاہدہ طے پایا ہے، یہ معاہدہ اٹھارویں ترمیم کے خاتمے کے حوالے سے ہے، یہ بات ہمیں ایم کیو ایم کے ممبران سے پتہ چلی ہے۔

انہوں نے کہا کہ یہ چھوٹے صوبوں کے عوام کو وقت بتائے گا کہ ان دو پارٹیوں کے درمیان کیا معاہدہ ہوا ہے۔

خورشید شاہ نے کہا کہ پیپلز پارٹی عوام میں جارہی ہے، ہم نے کہا ہے کہ عوام ہمارا احتساب کریں، پی پی نے عوام کی فلاح بہبود کے لیے کام کیا ہے، ہم نے عوام کے سامنے خود کو احتساب کے لیے پیش کردیا ہے۔

پی پی رہنما نے مزید کہا کہ الیکشن مہم میں پی پی کے علاوہ کوئی پارٹی نظر نہیں آرہی ہے، ن لیگ سمیت دیگر جماعتیں کیوں الیکشن کے میدان میں نہیں ہیں یہ اُن سے پوچھیں، ہم آنے والی حکومت اپنی دیکھ رہے ہیں۔